10 jylǵa sottalǵan Qýandyq Bıshimbaev jazasyn qaıda óteıdi
«Astanadaǵy maksımaldy qaýipsizdiktegi birden-bir kolonııa - 166/10 túzeý kolonııasy», - dedi Astanada qylmystyq-atqarý júıesi boıynsha ótken qoǵamdyq tyńdaýda jýrnalıster suraǵyna jaýap bergen Bazylbekov.
Onyń aıtýynsha, sottalǵan burynǵy mınıstrge eshqandaı artyqshylyqtar berilmeıdi.
«Biz buǵan deıingi sabaq bolǵandyqtan, sottalýshylarǵa qandaı da bir artyqshylyqtardyń berilmeýin qatań túrde baqylaıtyn bolamyz. Ruqsat etiletin norma boıynsha - onyń ómir súrýine 3,5 sharshy metrden kem emes oryn, maýsymdyq kıim, úsh ýaqyt tamaq, medıtsınalyq kómek beriledi. Mekeme baraq tıptes. Ol 50-60 orynǵa arnalǵan», - dedi ol.
Eske sala ketsek, 14 naýryz kúni Astana qalasy qylmystyq ister boıynsha mamandandyrylǵan aýdanaralyq sotynda burynǵy Ulttyq ekonomıka mınıstri Qýandyq Bıshimbaev pen osy iske qatysty ózge de sottalýshylarǵa sot úkimi shyqqan bolatyn. Úkim boıynsha Bıshimbaev 10 jylǵa sottaldy.