10 jyldan soń Qazaqstan «ǵarysh týrısteriniń» aılaǵyna aınalady
Bul týraly búgin Nazarbaev ýnıversıtetiniń stýdentterimen kezdesýi barysynda ataqty frantsýzdyq ǵaryshker Jan-Per Enere aıtty.
Onyń aıtýynsha, Qazaqstan - ǵarysh týrızminiń alǵashqy qarlyǵashy.
«2020 jyly ǵaryshqa usha alatyn ushaqtarda básekelestik kúsheıýi yqtımal. Nege men Eýropada bastalǵan bastama týraly Astanada aıtyp otyrmyn? Sebebi men bul taqyrypty Qazaqstanǵa tikeleı baılanysty dep esepteımin», - deıdi ol.
«Sizderde onyń júzege asýyna barlyq jaǵdaılar jasalǵan. Sondyqtan mundaı nusqalar qarastyrylýda. Oǵan zymyran aılaǵy kerek bolmaıdy, ushaqtyń ushyrý alańy bolsa jetkilikti. Ashyq ǵarysh keńistiginde bolǵysy keletinderdiń sany kóp. Qazaqstan týrısterdiń ǵaryshqa attana alatyn orny bola alady. Bas kezinde tek baılar ushýǵa nıet tanytatyny anyq. Bul eldiń týrıstik tartymdylyǵyn joǵarylatady. Keıin sizder osy salada bilim berý qyzmetin bere alasyzdar», - dep túıindedi sózin ol.
NASA óz qyzmetiniń rentabeldiligin arttyrýdyń kózi retinde ǵarysh týrızmin jáne japsarlas uıymdar arqyly ǵarysh aılaǵyna qyzmet kórsetýdi qarastyryp otyr. Qazir mundaǵy tanymal týroperator - Rıchard Brensonnyń Virgin Galactic-i. Taıaýda ol SpaceShipTwo týrısterine arnaıy transport ázirlep bergen. Bul apparattyń parki 10 jyldan keıin 40-45 týrısti orbıtaǵa alyp shyǵa alady. Osydan keıin Virgin Galactic kúnine úsh-tórt raketaplanmen týrıster tasymaldaıtyn bolady. Al bılettiń quny ol kezde 200 000 dollardy quraýy tıis.
Eske sala keteıik, 2001 jyly 28 sáýirde amerıkalyq bıznesmen Dennıs Tıto «Baıqońyr» aılaǵynan «Soıýz» ǵarysh kemesi arqyly kókke kóterilip, alǵashqy ǵarysh týrısti atanǵan edi. Bul «SoıýzTM-32» ekıpajy quramynda reseılik ǵaryshker ıÝrıı Batýrınmen qatar, jerlesimiz Talǵat Musabaev ta bar bolatyn.
