10 jyldan keıin úndiler sany jaǵynan qytaımen teńesedi
ASTANA. 10 mamyr. QazAqparat - AQSh-tyń «Halyq sany» bıýrosy jasaǵan esepke júginsek, 2050 jyly álemdegi halyq sany eń kóp el Úndistan bolady.
Olar shamamen 2025 jyly Qytaıdy basyp ozady, dep jazady «Alash aınasy» basylymy.
Halyq sany boıynsha Úndistan men Qytaıdan keıingi úshinshi orynǵa 423 mln halqymen AQSh (2010 jyly - 308 mln) ornalasýy múmkin. Postkeńestik keńistiktegi halyq sany eń kóp memleket bolyp sanalatyn kórshi Reseı qazir halyq sany boıynsha álemde 10-orynda tursa, 2050 jyly 17-orynǵa yǵysady. Sol sekildi Japonııa memleketi de 9-orynnan 16-orynǵa tómendeıdi. Al Eýropanyń halyq sany qazirgi shamada qalady. Degenmen ol - tabıǵı ósý qubylysy boıynsha emes, mıgranttardyń kóptep qonys aýdarýynan saqtalyp qalatyn kórsetkish. Mamandar birshama jyldan keıin batyseýropalyqtar, ásirese Ispanııa men Italııada tabıǵı ósim boıynsha jergilikti turǵyndar sany arta bastaıdy dep boljaıdy. Afrıkalyq Nıgerııa men Efıopııanyń halyq sany tym qarqyndy kórsetkishpen artady.
