10 jyldan keıin aýyldyq jerlerde joǵary bilimi bar medıtsınalyq qyzmetker qalmaýy múmkin - QR Densaýlyq saqtaý mınıstrliginiń jaýapty hatshysy
ASTANA. Qazannyń 21-i. QazAqparat /Rýslan Ǵabbasov/ - Eger kadrlardy turaqtandyrýdyń tıimdi júıesin iske asyrýda túbegeıli sharalar qabyldanbasa, onda 7-10 jyldan keıin aýyldyq jerlerde joǵary bilimi bar medıtsınalyq qyzmetker qalmaıdy. Bul týraly búgin QR Parlamentinde «Medıtsınalyq jáne pedagogtyq kadrlardy aýyldyq jerlerge bekitýdiń jaǵdaıy jáne oǵan qajetti sharalar týraly» ótken otyrysta Densaýlyq saqtaý mınıstrliginiń Jaýapty hatshysy Bolat Sadyqov aıtty.
Onyń sózine qaraǵanda, búginde 50 jastan joǵary dárigerlerdiń úlesi 14 paıyzǵa, al 25 jasqa deıingi dárigerler 0,5 paıyzǵa azaıyp keledi.
2010 jylǵy qańtardyń 1-indegi jaǵdaı boıynsha respýblıkada 10 myń turǵynǵa shaqqanda dárigerlermen qamtamasyz etilýdiń ortasha kórsetkishi 30,9, orta býyn medıtsınalyq qyzmetkerlermen qamtý - 74,8 deńgeıinde qalyptasyp otyr.
Aýyldyq jerlerde dárigerlermen qamtamasyz etilý qalalarǵa qaraǵanda 4 esege, sondaı-aq medbıkelermen qamatasyz etilý kórsetkishi 2 esege tómen.
«Aýyldyq eldi mekenderde dáriger kadrlardyń jetispeýshiligi 2 myńdy, al orta býyn medıtsınalyq qyzmetkerlerdiń jetispeýshiligi 307 adamdy qurady», - dedi B. Sadyqov.
