10 jylda merziminen buryn bosanatyndar sany artty

NUR-SULTAN. QazAqparat - Shala týǵan nárestelerdiń ómirsheńdigi artty. Bul týraly Senatta múmkindigi shekteýli balalardy áleýmettik qorǵaý taqyrybyna arnalǵan dóńgelek ústel otyrysynda Densaýlyq saqtaý vıtse-mınıstri Lázzat Aqtaeva aıtty, dep habarlaıdy QazAqparat tilshisi.

«Jyl saıyn elimizde bala týý kórsetkishi artyp keledi, 2008 jylmen salystyrǵanda, 11 paıyzǵa ósti. Esterińizde bolsa, 2008 jyly elimiz Dúnıejúzilik densaýlyq saqtaý uıymynyń ólshemderine kóshti. Osy oraıda jańa týǵan náresteler 500 gramm salmaǵynan esepke alyna bastady. 2008 jyldan bastap merziminen buryn bosaný 1,8 esege artty. Nárestelerdiń shetineýi kórsetkishi osy jyldary 3,5 eseden astam deńgeıge, sondaı-aq balalar ólim-jitimi 2 esege tómendedi», - dedi vıtse-mınıstr.

Onyń sózine qaraǵanda, sońǵy 10 jylda salmaǵy tómen shala týǵan balalardyń tirshilikke qabilettiligi, ıaǵnı 500-1000 gramm salmaqtaǵy nárestelerdiń ómirsheńdigi 2,9 esege ósti.