10 jylda Qazaqstanda týberkýlezben syrqattaný 2,1 ese, al odan bolatyn ólim 3,7 ese tómendedi - DSM
ASTANA. QazAqparat - Sońǵy 10 jylda respýblıkamyzda týberkýlezben syrqattanýshylyq 2,1 ese, al odan bolatyn ólim 3,7 ese tómendedi. Bul týraly QR Densaýlyq saqtaý mınıstrliginiń baspasóz qyzmetinen habarlandy.
Baspasóz baıanyna qaraǵanda, jalpy týberkýlezben syrqattanýshylyq kórsetkishi memlekettiń básekege qabilettiliginiń jahandyq ındeksiniń ólshemderiniń biri bolyp tabylady. Soǵan oraı, Qazaqstanda memleket tarapynan týberkýlezge qarsy júrgizilip jatqan is-sharalar nátıjesinde eleýli jetistikterge qol jetti.
«Sońǵy 10 jylda respýblıkada týberkýlezben syrqattanýshylyq 2,1 ese, al odan bolatyn ólim kórsetkishi 3,7 ese tómendedi. 2011 jyly Dúnıejúzilik densaýlyq saqtaý uıymynyń baǵalaý mıssııasy Qazaqstanda týberkýlezge qarsy júrgizilip jatqan is-sharalarǵa joǵary baǵa berdi. Qazaqstanda naýqastar týberkýlezge qarsy 1 jáne 2 qatardaǵy preparattarmen 100 paıyz qamtamasyz etilgen. Al Dúnıejúzilik densaýlyq saqtaý uıymynyń bul saladaǵy maqsattyq kórsetkishi 85% quraıdy», - delingen baspasóz baıanynda.
