10 jylda bizdiń stýdentter 11 qysqy jáne jazǵy ýnıversıdaǵa qatysty - Baýyrjan Ramazanov
ALMATY. 10 mamyr. QazAqparat /Erlik Erjanuly/ - Beıjińdegi jazǵy Olımpıada oıyndarynda ulttyq qurama qorjynyndaǵy 13 medaldiń 11-in stýdentter saldy.
Bul týraly Bilim jáne ǵylym mınıstrliginiń Ulttyq sport ortalyǵy Bas dırektorynyń orynbasary Baýyrjan Ramazanov búgin Almatyda voleıboldan erler komandalary arasyndaǵy VI jazǵy ýnıversıada oıyndarynyń ashylý rásiminde aıtty.
«Bul shara Qazaqstan Respýblıkasy Táýelsizdiginiń 20 jyldyǵyna arnalyp otyr. Alǵashqy ýnıversıadany biz 2001 jyly Táýelsizdiktiń 10 jyldyǵyna arnap edik. Osy ýaqytta 5 jazǵy, 3 qysqy stýdenttik ýnıversıada uıymdastyryldy. Bizdiń stýdentter 11 qysqy, jazǵy ýnıversıada oıyndaryna qatysty», - deıdi QR eńbek sińirgen jattyqtyrýshysy Baýyrjan Ramazanov. Onyń aıtýynsha, stýdentter Azııa jáne Olımpıada oıyndarynda da joǵary oıyn órnegin kórsetýde. Qazaqstandyq stýdentter álemdik voleıbol tarıhyna áıgili «Dorjnık» klýby arqyly endi. Olardyń dańqty jolyn jalǵastyrý endi qazirgi jastardyń qolynda.
