10 jylda aýyl sharýashylyǵy tehnıkasynyń parki tolyq jańartylmaq

ASTANA. QazAqparat –10 jylda aýyl sharýashylyǵy tehnıkasynyń negizgi parki tolyqtaı jańartylmaq. Bul týraly taratylǵan Májilistiń 7-shaqyrylym depýtattary saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Agroónerkásip keshenin damytýdaǵy negizgi maqsat - 5 jyldyń ishinde aýyl sharýashylyǵyndaǵy eńbek ónimdiligin 2,5 esege arttyrý. 2021 jyly agroónerkásip keshenindegi eń ónimdiligi saladaǵy 1 jumysshyǵa 3 350,7 myń teńgeni qurady. Sońǵy birneshe jyl boı turaqty ósim baıqalady. Aýyl sharýashylyǵyndaǵy eńbek ónimdiligin arttyrýdń negizgi ólshemsharty – salany tehnıkalyq jáne tehnologııalyq qaıta jabdyqtaý, ósimdik sharýashylyǵynda qunarlyqty jáne mal sharýashylyǵynda ónimdilikti arttrý», - dedi Premer-Mınıstr jaýabynda.

Úkimet basshysynyń dereginshe, ósimdik sharýashylyǵyn damytýdy memlekettik qoldaý ulǵaıtyldy. Tyńaıtqysh qunyn sýbsıdııalaý kólemi 5 jylda 1,8 ese, 21,7 mlrd-tan 38,5 mlrd teńgege deıin, pestıtsıdterge 1,6 ese, 26,3 mlrd-tan 41,6 mlrd teńgege dein arttyryldy. 2022 jyly tuqym sharýashylyǵyn qoldaýǵa 10,7 mlrd teńge bólindi.

«2022 jyly 172,9 mln teńge somaǵa 6 806 tehnıka lızıngke berildi. Ótken jyly aýyl sharýashylyǵy tehnıkasy parqyn jańartý deńgeıi 4,3 paıyz boldy. Bul rette jyl saıyn josparly 6,7 paıyzdyq jańartýǵa qol jetkizý 10 jyldyń ishinde aýyl sharýashylyǵy tehnıkasynyń negizgi parkin tolyqtaı jańartýǵa múmkindik beredi», - dedi Álıhan Smaıylov.