10 jyl ishinde «QazTransGaz» kompanııalar toby 51,4 mlrd. tekshe metr gaz satty
ASTANA. Sáýirdiń 16-sy. QazAqparat /Ernur Aqanbaı/ - 2000 jyl men 2009 jyldar aralyǵyndaǵy kezeńde «QazTransGaz» kompanııalar tobymen 51,4 mlrd. tekshe metr gaz satyldy.
Bul jaıynda búgin Astanada ótken «QazTransGaz» AQ-y 10 jyl ishindegi qyzmetiniń qorytyndylary jáne keleshektegi josparlary» atty baspasóz máslıhaty barysynda taratylǵan baspasóz baıanynda kórsetilgen, dep habarlaıdy QazAqparat.
Derekter boıynsha, osy 10 jyldyń ishinde magıstraldyq gaz qubyrlary boıynsha tasymaldanǵan gazdyń jalpy kólemi 1 trln. 174,3 mlrd. tekshe metrdi quraǵan. «Óz kezeginde «QazTransGaz» AQ-nyń magıstraldy gaz qubyrlary boıynsha tasymaldaǵan gazynyń kólemi - 91,088 mlrd. tekshe metrdi qurady. Onyń ishinde halyqaralyq tranzıt boıynsha - 73,2 mlrd. tekshe metr gaz tasymaldandy, eksportqa tasymaldanǵan gazdyń kólemi - 10 mlrd. tekshe metrden asty. Іshki tutynýshylar úshin gaz tasymaldaý jónindegi jospar - 102 paıyzǵa, eksport boıynsha - 100 paıyzǵa, al halyqaralyq tranzıt boıynsha - 95 paıyzǵa oryndaldy», delingen taratylǵan habarlamada.
