10 jyl burynǵy konstıtýtsııalyq reformaǵa qatysty fotosýretter jarııalandy
«Osydan 10 jyl buryn elimizde týra qazirgideı konstıtýtsııalyq-quqyqtyq reforma qyzý talqylanǵan bolatyn.
2007 jylǵy 20 aqpanda «Konstıtýtsııaǵa ózgerister men tolyqtyrýlar engizý týraly» zań jobasyn ázirleý jónindegi jumys tobynyń birinshi otyrysy ótti. Zańnyń ózi 2007 jylǵy 21 mamyrda qabyldandy.
Tıisti konstıtýtsııalyq ózgeristerge daıyndyq aldynda Demokratııalyq reformalar baǵdarlamasyn ázirleý jáne naqtylaý jónindegi memlekettik komıssııa aýqymdy jumys júrgizgen edi. Onyń qorytyndy otyrysy 2007 jylǵy 19 aqpanda ótken bolatyn.
Osylaısha, sol jyly Ata zańymyzǵa eleýli ózgerister men tolyqtyrýlar engizildi. Negizinen Konstıtýtsııanyń Prezıdent pen Parlamentke qatysty bólimderi ózgeriske ushyrady. Máselen, Májilisti jasaqtaýdyń jańa tetigi usynyldy, Qazaqstan halqy assambleıasynyń konstıtýtsııalyq mártebesi bekitildi jáne t.b.
Muraǵattaǵy osy tarıhı oqıǵalardy jańǵyrtatyn fotosýretterdi feısbýk paıdalanýshylary nazaryna usynyp otyrmyz», delingen jazbada.