10 jyl boıy bos turǵan Balqash áýejaıy jóndelýde
ASTANA. QazAqparat - Balqash kólinde demalýshylardyń sanyn aldaǵy úsh jylda eki esege arttyrý úshin arnaıy jospar bekitildi, dep habarlaıdy QazAqparat tilshisi.
«Qaraǵandy oblysy jetkilikti deńgeıde týrıstik áleýetke ıe dep esepteımiz. Balqash kóli elimizdiń týrıstıfıkatsııa kartasynda TOP-10 qataryna endi. Sheteldik «Makkenzı» kompanııasy jumysqa tartylyp, Balqash kóliniń jaǵajaıyn damytýdyń jospary bekitildi. Bul jospardyń júzege asyrylýy aldaǵy úsh jylda Balqash kóline aǵylǵan týrısterdiń sanyn eki esege arttyrýǵa, ıaǵnı - 80 myńnan 160 myńǵa jetkizýge múmkindik beredi. Osy maqsatta kelesi jyly tórt jolaqty Qaraǵandy - Balqash avtobanynyń qurylysy bastalady. Balqash qalasynyń áýejaıyn kúrdeli jóndeý jumystary aıaqtalady. Ol áýejaı on jyl boıy bos turǵan edi», - dedi Qaraǵandy oblysynyń ákimi Erlan Qoshanov OKQ-da ótken baspasóz máslıhatynda.
Oblys basshysynyń aıtýyna qaraǵanda, sol sekildi Qaraǵandy oblysyndaǵy Ulytaý da elimizdiń týrıstik nysandarynyń elýligine engenin eske saldy.
«Ulytaýǵa deıingi joldar jóndelip, basqa da ınfraqurylym jumystary jalǵasyn tabýda. Ulytaýda vızıt-ortalyqtardyń qurylystary bastaldy. Jalpy bizdiń oıymyzsha, týrızm - aımaq ekonomıkasyn alǵa jeteleıtin salalardyń biri bolar degen senimdemiz», - deıdi Erlan Qoshanov.
