10 jolaýshysy bar avtobýs júk kóligimen soqtyǵysty
ASTANA. QazAqparat - Reseıdiń Pskov oblysynda 10 adam mingen jolaýshylar avtobýsy júk kóligimen soqtyǵysty, saldarynan eki adam zardap shekti, dep habarlaıdy TASS RF TJM aımaqtyq basqarmasyna silteme jasap.
«Búgin Pskov oblysynda PAZ markaly jolaýshylar avtobýsy ZIL júk kóligimen soqtyǵysty, apat saldarynan ana men bala zardap shekti, olar aýrýhanaǵa jatqyzyldy»,-dep habarlaıdy vedomstvo.
Jol apaty jergilikti ýaqytpen 10-00 shamasynda bolǵan.
Qazir polıtseıler oqıǵanyń sebep-saldaryn anyqtaý ústinde.
