10 jylda eldegi kúnbaǵys alqaptary 308 myń gektarǵa ulǵaıǵan
ASTANA. KAZINFORM – Aýyl sharýashylyǵy mınıstrliginiń Kazinform saýalyna joldaǵan jaýabynda elde maıly daqyl alqaptaryn ulǵaıtý jalǵasa beretini aıtylǵan.
«Ósimdik sharýashylyǵy salasyn ártaraptandyrý boıynsha júrgizilip jatqan saıasatqa sáıkes maıly daqyldardyń egis alańdaryn jáne óndirisin ulǵaıtý jóninde sharalar qabyldanyp jatyr. Máselen sońǵy on jylda (2014 jylmen salystyrǵanda) maıly daqyldardy egý alańy 499,1 myń gektarǵa ulǵaıyp 2023 jyly 2799,5 myń gektardy qurady. Onyń ishinde kúnbaǵys alańy 308,2 myń gektarǵa ósip 1157,4 gektarǵa jetti», - dep jazylǵan jaýapta.
Mınıstrlik málimeti boıynsha, eldegi búkil egistik alqaptyń 12,5 paıyzyna ǵana maıly daqyldar egiledi.
«Oblys ákimdikteriniń derekteri boıynsha aǵymdaǵy jyly jalpy egis alańy 23,8 mln gektardy qurady. Onyń ishinde maıly daqyldardyń egis alańdary 2976,3 myń gektardy alyp jatyr», - delingen resmı jaýapta.
