10 jyl boıy halyqaralyq izdeýde júrgen Tájikstan azamaty Abaı oblysynda ustaldy
SEMEI. KAZINFORM – Abaı oblysynda 10 jyl boıy halyqaralyq izdeýde júrgen ózge eldiń azamaty quryqtaldy.
Oblystyq Polıtsııa departamenti baspasóz qyzmetiniń málimetine súıensek, tártip saqshylary «Sheteldik» jedel aldyn alý sharasyn júrgizip jatyr. Sonyń barysynda ekstremızmge qarsy kúres basqarmasynyń qyzmetkerleri Tájikstan Respýblıkasynyń azamatyn ustady. Ol buzaqylyq jasaǵany úshin 2013 jyldan beri halyqaralyq izdeýde júrgen.
«Er adam ýaqytsha ustaý ızolıatoryna qamaýǵa alyndy. Qazirgi ýaqytta ony qylmystyq jaýapkershilikke tartý úshin Tájikstan aýmaǵyna ekstradıtsııalaý týraly másele sheshilýde» - deıdi Abaı oblysy PD bastyǵynyń orynbasary Narıman Kúldikov.
Eske salsaq, buǵan deıin Óskemende jas jigit Antıkor mańyndaǵy ǵımaratty órtemek bolǵany habarlanǵan.
