10 jeltoqsanǵa arnalǵan aýa raıy boljamy
ASTANA. 9 jeltoqsan. QazAqparat - "Qazgıdromet" RMK málimetteri boıynsha, Qazaqstan aýmaǵynyń basym bóliginde atmosferalyq aǵyndardyń ótýine baılanysty aýa raıynyń turaqsyzdyǵy saqtalady, keı jerlerde jaýyn-shashyn bolady dep kútilýde, jel kúsheıedi, boran soǵady, kóktaıǵaq bolady, tuman túsedi, dep habarlady QR TJM baspasóz qyzmetinen.
Respýblıkanyń soltústik-shyǵysy, shyǵysy jáne ońtústik-shyǵysynda aýa raıy jaýyn-shashynsyz bolady. Almaty oblysynda keı jerlerde tuman túsedi, Jalańashkól aýmaǵynda jel 15-20 m/s-ke kúsheıedi, jel ekpini 25 m/s-ke deıin bolady. Jambyl, Ońtústik Qazaqstan oblystarynyń birqatar aımaqtarynda tuman túsedi dep kútilýde, kúndiz jel 15-21 m/s-ke kúsheıedi. Qyzylorda, Mańǵystaý, Atyraý, Batys Qazaqstan oblystarynda keı jerlerde tuman túsýi yqtımal, kóktaıǵaq bolady, kúndiz Mańǵystaý, Atyraý oblystarynda jel 15-20 m/s-ke kúsheıedi. Aqmola, Qostanaı, Soltústik Qazaqstan oblystarynda keıbir aımaqtarda boran soǵady dep kútilýde, túnde jáne tańerteń jel 15-22 m/s-ke kúsheıedi, Qostanaı, Soltústik Qazaqstan oblystarynda kóktaıǵaq bolady. Túnde Aqtóbe oblysynda boran soǵyp, jel 15-20 m/s-ke kúsheıedi. Qaraǵandy oblysynda boran soǵyp, túnde jáne tańerteń tuman túsedi dep boljanýda. Shyǵys Qazaqstan oblysynda keı jerlerde jel kúsheıedi, kúndiz jekelegen aýdandarda ekpindi jel soǵady.
