10 jeltoqsan. Tulǵalar týǵan kún
Búgin, 10 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
79 jyl buryn (1945) Qazaqstan Respýblıkasynyń memleket jáne áskerı qaıratkeri, Halyq qaharmany, armııa generaly, QR Parlamenti Senaty janyndaǵy Senatorlar keńesiniń múshesi Muhtar Qapashuly ALTYNBAEV dúnıege keldi.
Qaraǵandy qalasynda týǵan.1977 jyly Armavır áýe qorǵanysy joǵary áskerı ushqyshtar ýchılışesin, 1985 jyly G. Jýkov atyndaǵy Áýe qorǵanysy áskerı akademııasyn bitirgen.
Eńbek joly: 1965-1966 jyldary Kınel-Cherkassk oqý-jattyǵý avıatsııa ortalyǵynyń kýrsant ushqyshy, 1962-1969 jyldary Kırov atyndaǵy (Qaraǵandy) shahtanyń úńgýshisi, 1969-1982 jyldary Áýe qorǵanysy avıatsııalyq ıstrebıteldik polkynyń ushqyshy, aǵa ushqyshy, avıatsııalyq atqysh polky avıatsııalyq zvenosynyń komandıri, avıatsııalyq eskadrılıasy komandıriniń orynbasary, komandıri, dıvızııa komandıriniń orynbasary, komandıri, 1982-1985 jyldary Áýe shabýylyna qarsy qorǵanys áskerı akademııasynyń tyńdaýshysy, 1985-1988 jyldary Áýe shabýylyna qarsy qorǵanys dıvızııasy komandıriniń orynbasary, 1988-1992 jyldary Áýe shabýylyna qarsy qorǵanys dıvızııasynyń komandıri, 1992-1993 jyldary Áýe shabýylyna qarsy qorǵanys korpýsynyń komandıri - QR qorǵanys mınıstriniń orynbasary, 1993-1996 jyldary QR Áskerı áýe kúshteriniń qolbasshysy, 1996-1999 jyldary QR qorǵanys mınıstri, 1999-2001 jyldary QR Qarýly kúshteriniń Áýe qorǵanysy kúshteriniń qolbasshysy, 2001-2007 jyldary QR qorǵanys mınıstri, 2009 jyly QR qorǵanys mınıstriniń mindetin atqarýshy, 2007-2010 jyldary Qorǵanys mınıstriniń birinshi orynbasary – Shtab basshylary komıtetiniń tóraǵasy, 2010-2017 jyldary QR Parlamenti Senatynyń depýtaty boldy.
2019 jyldyń qyrkúıeginen bastap qazirgi qyzmetinde.
ІІІ dárejeli «KSRO Qarýly Kúshterinde Otanǵa qyzmet etkeni úshin», ІІ dárejeli «Barys», «Halyqtar dostyǵy» (RF), TMD-ǵa qatysýshy memleketter Parlamentaralyq Assambleıasy Dostastyǵy ordenderimen; «Halyq Qaharmany» altyn juldyzymen, «Otan» ordenimen, QR jáne shet memleketterdiń kóptegen medaldarymen nagradtalǵan.
64 jyl buryn (1960) «Áskerı-strategııalyq zertteýler ortalyǵy» AQ prezıdenti Ashat Naýryzbaıuly RYSPAEV dúnıege keldi.
Omby qalasynda (RSFSR) týǵan. 1982 jyly Almaty joǵary qurama qarý-jaraq komandalyq ýchılışesin, 2000 jyly QR Qarýly Kúshteriniń Áskerı akademııasyn úzdik jáne altyn medalmen, 2017 jyly Ulttyq qorǵanys ýnıversıteti Qarýly Kúshteri Bas shtaby akademııasynyń fakýltetinde strategııalyq deńgeıdegi magıstratýrany bitirgen.
1978-2021 jyldary KSRO jáne QR Qarýly Kúshterinde qyzmet etken, 1982-1991 jyldary Qıyr Shyǵys jáne Orta Azııa áskerı okrýgterinde jáne jergilikti áskerı basqarý organdarynda ártúrli komandalyq-shtabtyq laýazymdarda qyzmet etti. 1991-1992 jyldary QR Memlekettik qorǵanys komıtetinde kadrlyq qamtamasyz etý laýazymdarynda qyzmet etti. 1992-2000 jyldary QR Qorǵanys mınıstrligi Kadrlar departamenti men Bilim Bas basqarmasynda qyzmet etti. 2000-2001 jyldary QR Qarýly Kúshterin damytýdyń perspektıvalyq baǵdarlamalary ortalyǵy bastyǵynyń orynbasary, 2001-2002 jyldary QR Qarýly Kúshteri Áskerı bilim berý bas basqarmasy bastyǵynyń orynbasary, 2002-2008 jyldary QR Qorǵanys mınıstrligi Kadr jumysy basqarmasynyń bastyǵy, 2008-2011 jyldary QR Qorǵanys mınıstrligi Uıymdastyrý-jumyldyrý jumystary basqarmasynyń bastyǵy, 2011-2012 jyldary QR Qorǵanys mınıstrligi Áskerı bilim jáne ǵylym departamentiniń bastyǵy, 2012-2018 jyldary Ulttyq qorǵanys ýnıversıtetiniń bastyǵy, 2018-2019 jyldary Qurlyq áskerleri Áskerı ınstıtýtynyń bastyǵy, 2019-2021 jyldary QR Qorǵanys mınıstrligi Áskerı bilim jáne ǵylym departamentiniń bastyǵy, 2021-2022 jyldary Ulttyq qorǵanys ýnıversıtetiniń Áskerdi basqarý jáne qurama qarý-jaraq shtaby qyzmeti kafedrasynyń professory boldy.
2022 jyldyń shilde aıynan bastap qazirgi qyzmetinde.
II dárejeli «Dańq» ordenimen, mereıtoılyq medaldarmen marapattalǵan.
52 jyl buryn (1972) «Qazaqstan Respýblıkasy Prezıdent ortalyǵynyń dırektory Baqytjan Berikbaıuly TEMІRBOLAT dúnıege keldi.
1998 jyly Ál-Farabı atyndaǵy QazUÝ-dy «Saıasattaný» mamandyǵy boıynsha támamdaǵan.
1998-2007 jyldary QR Prezıdenti janyndaǵy Qazaqstan strategııalyq zertteýler ınstıtýtynda jáne Prezıdent Ákimshiliginde túrli qyzmetter atqarǵan, 2007-2018 jyldary QR Prezıdenti Keńsesi basshysynyń orynbasary, 2019-2021 jyldary QR Mádenıet jáne sport mınıstrliginiń jaýapty hatshysy laýazymyn atqarǵan.
2021 jyldyń qańtar aıynan bastap qazirgi qyzmetinde.
«Qurmet», «Parasat» ordenderimen, mereıtoılyq medaldarmen marapattalǵan.
43 jyl buryn (1981) Pavlodar qalasy ákiminiń orynbasary Svetlana Anatolevna GLADYShEVA dúnıege kelgen.
Pavlodar qalasynda týǵan. Pedagog-psıholog mamandyǵy boıynsha Pavlodar ýnıversıtetin (qazirgi - InEÝ) támamdaǵan. Psıhologııa jáne polıtologııa magıstri dárejesi bar.
Eńbek jolyn 2002 jyly Pavlodar qalasynyń №43 jalpy bilim berý mektebinde áleýmettik pedagog bolyp bastady. 2009-2011 jyldary áleýmettik-eriktiler ortalyǵynyń tóraǵasynyń mindetin atqarýshy bolyp jumys istedi. 2011-2013 jyldary Pavlodar qalasynyń bilim berý bólimi jáne Pavlodar oblysynyń ishki saıasat basqarmasy memlekettik mekemeleriniń bas mamany, keıin Pavlodar oblysynyń jastar saıasaty máseleleri jónindegi basqarmada bólim basshysy bolyp qyzmet atqardy. 2014-2017 jyldary Aqsý qalasy ákiminiń orynbasary laýazymynda qyzmet etti. 2016-2017 jyldary Ekibastuz qalalyq «Nur Otan» partııasy fılıaly tóraǵasynyń birinshi orynbasary bolyp qyzmet atqardy. 2018-2019 jyldary Jelezın aýdany ákiminiń orynbasary bolyp eńbek etti. 2019 jyly Pavlodar qalasy ákimi apparatynyń basshysy qyzmetin atqardy.
2019 jyldyń qyrkúıek aıynan bastap qazirgi qyzmetinde.