10 jeltoqsan. Týǵan kún ıeleri

NUR-SULTAN. QazAqparat – Búgin, ıaǵnı 10 jeltoqsan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

76 jyl buryn (1945) Qazaqstan Respýblıkasynyń memleket jáne áskerı qaıratkeri, Halyq qaharmany, armııa generaly, QR Parlamenti Senaty janyndaǵy Senatorlar keńesiniń múshesi Muhtar Qapashuly ALTYNBAEV dúnıege keldi.

Qaraǵandy qalasynda týǵan. Armavır áýe qorǵanysy joǵary áskerı ushqyshtar ýchılışesin (1977), G.Jýkov atyndaǵy Áýe qorǵanysy áskerı akademııasyn (1985) bitirgen.

Eńbek joly: Kınel-Cherkassk oqý-jattyǵý avıatsııa ortalyǵynyń kýrsant ushqyshy (1965-1966); Kırov atyndaǵy (Qaraǵandy) shahtanyń úńgýshisi (1962-1969); Áýe qorǵanysy avıatsııalyq ıstrebıteldik polkynyń ushqyshy, aǵa ushqyshy, avıatsııalyq ıstrebıteldik polky avıatsııalyq zvenosynyń komandıri, avıatsııalyq eskadrılıasy komandıriniń orynbasary, komandıri, dıvızııa komandıriniń orynbasary, komandıri (1969-1985); Áýe shabýylyna qarsy qorǵanys áskerı akademııasynyń tyńdaýshysy (1982-1985); Áýe shabýylyna qarsy qorǵanys dıvızııasy komandıriniń orynbasary (1985-1988); Áýe shabýylyna qarsy qorǵanys dıvızııasynyń komandıri (1988-1992); Áýe shabýylyna qarsy qorǵanys korpýsynyń komandıri – Qazaqstan Respýblıkasy qorǵanys mınıstriniń orynbasary (1992-1993); Qazaqstan Respýblıkasy Áskerı áýe kúshteriniń qolbasshysy (1993-1996); Qazaqstan Respýblıkasynyń qorǵanys mınıstri (1996-1999); Qazaqstan Respýblıkasy Qarýly kúshteriniń Áýe qorǵanysy kúshteriniń qolbasshysy (1999-2001); Qazaqstan Respýblıkasynyń qorǵanys mınıstri (2001-2007); Qazaqstan Respýblıkasynyń qorǵanys mınıstriniń mindetin atqarýshy (17.06.2009-25.06.2009); Qorǵanys mınıstriniń birinshi orynbasary – Shtab basshylary komıtetiniń tóraǵasy (2007-2010); Qazaqstan Respýblıkasy Parlamenti Senatynyń depýtaty (2010-2017).

2019 jyldyń qyrkúıeginen bastap qazirgi qyzmetinde.

ІІІ dárejeli «KSRO Qarýly Kúshterinde Otanǵa qyzmet etkeni úshin» (1978), ІІ dárejeli «Barys» (2003), «Halyqtar dostyǵy» (RF), TMD-ǵa qatysýshy memleketter Parlamentaralyq Assambleıasy Dostastyǵy (2015) ordenderimen; «Halyq Qaharmany» altyn juldyzymen, «Otan» ordenimen, QR jáne shet memleketterdiń kóptegen medaldarymen nagradtalǵan.

61 jyl buryn (1960) Marat Ospanov atyndaǵy Batys Qazaqstan medıtsına ýnıversıteti Basqarma tóraǵasy – rektory Murat Qoıshybaıuly TELEÝOV dúnıege kelgen.

Aqtóbe oblysynda týǵan. Aqtóbe memlekettik medıtsına ınstıtýtyn (1978); N.I. Pırogov atyndaǵy Máskeý memlekettik medıtsına ınstıtýtyn (1984); KSRO AMN DǴO hırýrgııa boıynsha maqsatty klınıkalyq ordınatýrany (1991); «Qaınar» ýnıversıtetin (2008) támamdady.

Eńbek joly: Aqtóbe oblysynyń Alǵa aýdandyq ortalyq aýrýhanasynyń hırýrg dárigeri (1984 – 1988); Aqtóbe oblysynyń Alǵa aýdandyq ortalyq aýrýhanasynyń uıymdastyrý-ádistemelik jumystary jónindegi bas dáriger orynbasary (1991-1993); A.N.Syzǵanov atyndaǵy Ǵylymı Hırýrgııa ortalyǵynyń aǵa ǵylymı qyzmetkeri (1993-2000); Densaýlyq saqtaý isteri jónindegi QR agenttiginiń bas hırýrgy, Emdeý-profılaktıkalyq jumystar departamentiniń hırýrgııalyq kómekti uıymdastyrý bóliminiń basshysy (2000-2001); Semeı memlekettik medıtsına akademııasynyń rektory (2001-2007); «Respýblıkalyq jedel medıtsınalyq járdem ǵylymı ortalyǵynyń» bas dırektory, Astana q, (2008-2009); Qaraǵandy memlekettik medıtsına ýnıversıtetiniń rektory (2009-2011); QR Densaýlyq saqtaý mınıstrligi Ǵylym jáne adamı resýrstar departamentiniń dırektory (2011-2013); Qyzylorda oblysynyń densaýlyq saqtaý basqarmasynyń «Oblystyq medıtsınalyq ortalyǵy» ShJQ RMK-nyń (OMO) dırektory (2013-2015); Qaraǵandy memlekettik medıtsına ýnıversıtetiniń ekonomıka máseleleri jónindegi rektor keńesshisi, №1 hırýrgııalyq aýrýlar kafedrasynyń meńgerýshisi (2015-2017); Qaraǵandy memlekettik medıtsına ýnıversıtetiniń uıymdastyrý-ekonomıkalyq jumystar jónindegi prorektory, atqarýshy dırektory (2017-2019); «Qaraǵandy medıtsına ýnıversıteti» kommertsııalyq emes aktsıonerlik qoǵamynyń qoǵamdyq densaýlyq saqtaý jáne kásibı densaýlyq ınstıtýtynyń dırektory (02.2019-04.2019).

Qazirgi qyzmetinde – 2019 jyldyń mamyrynan bastap.

Mereıtoılyq «Qazaqstan Respýblıkasynyń Parlamentine 10 jyl» (2005), «Qazaqstan Konstıtýtsııasyna 10 jyl» (2005) ; QR Bilim jáne ǵylym mınıstrliginiń «Qazaqstan Respýblıkasynyń ǵylymyn damytýǵa sińirgen eńbegi úshin» (2002), QR Densaýlyq saqtaý mınıstrliginiń «Densaýlyq saqtaý úzdigi» (2010), QR Densaýlyq saqtaý mınıstrliginiń «Densaýlyq saqtaý isine qosqan úlesi úshin» (2012) tós belgilerimen marapattalǵan.

49 jyl buryn (1972) «Qazaqstan Respýblıkasynyń Tuńǵysh Prezıdenti – Elbasynyń kitaphanasy» memlekettik mekemesiniń dırektory Baqytjan Berikbaıuly TEMІRBOLAT dúnıege keldi.

1998 jyly Ál-Farabı atyndaǵy QazUÝ-dy «Saıasattaný» mamandyǵy boıynsha támamdaǵan. 1998 jyldan 2007 jylǵa deıin – QR Prezıdenti janyndaǵy Qazaqstan strategııalyq zertteýler ınstıtýtynda jáne Prezıdent Ákimshiliginde túrli qyzmetter atqarǵan; 2007 jyldan 2018 jylǵa deıin – QR Prezıdenti Keńsesi basshysynyń orynbasary. 2019 jyldan 2021 jylǵa deıin – Qazaqstan Respýblıkasy Mádenıet jáne sport mınıstrliginiń Jaýapty hatshysy.

Qazirgi qyzmetinde – 2021 jyldyń qańtar aıynan bastap.

«Qurmet», «Parasat» ordenderimen, mereıtoılyq medaldarmen marapattalǵan.