10 jeltoqsan - Qyrǵyzstanda Konstıtýtsııalyq referendým aldyndaǵy «Tynyshtyq kúni»
BІShKEK. QazAqparat - Búgin Qyrǵyzstanda eldiń Konstıtýtsııasyn ózgertý boıynsha jalpy halyqtyq referendým jáne jergilikti saılaý aldyndaǵy «Tynyshtyq kúni» bastaldy, dep habarlady Bishkekte «QazAqparat» HAA menshikti tilshisi QR OSK-ǵa silteme jasap.
«Qyrǵyz Respýblıkasynyń jergilikti kenesh depýtattaryn saılaý týraly zańyna sáıkes 2016 jylǵy 10 jeltoqsan «Tynyshtyq kúni» dep jarııalandy. Bul kúni saıası partııalar, ózin-ózi usynýshylar, «jaqtap» jáne «qarsy» úgitteý top ókilderi úgit-nasıhat naýqanyn júrgizýge quqyǵy joq. Sondaı-aq úgit-nasıhat júrgizetin OSK akkredıttelgen buqaralyq aqparat quraly ony júrgizýge quqyǵy joq.
«Tynyshtyq kúnin» buzǵan jaǵdaıda OSK saılaý úderisine qatysýshylar tarapynan zań buzýshyǵa qatysty shara qoldanýǵa quqyly», - dep habarlady OSK baspasóz qyzmeti. OSK-da respýblıkanyń barlyq saılaý ýchaskeleri saılaýdyń bastalýyna ázir jáne tıisti tehnıka men jabdyqpen jaraqtalǵanyn atap ótti.
Tizimde 2,85 mıllıonnan astam saılaýshy bar, referendým saılaýǵa tizimge engizilgenderdiń 30 paıyzdan astamy, ıaǵnı 855 myń adam qatysqan jaǵdaıda ótti dep sanalady.
Eske salsaq, jeksenbi kúni ótetin referendýmǵa parlamentke kiretin birqatar partııalar bastamashylyq etip, el prezıdenti A. Atambaev ony qoldaǵan.
Ózgerister avtorlary negizgi maqsat - bılik tarmaqtary arasyndaǵy teńgerimge qol jetkizý ekenin atap ótedi. Bir ýaqytta respýblıkanyń 405 eldi mekeninde jáne astanasynda saılaý ótedi.
