10 jeltoqsan kúni Qazaqstanda ótetin mańyzdy sharalarǵa sholý
NUR-SULTAN
9.30-da Jastar jylynyń jabylý jáne Volonter jylynyń ashylý saltanaty bolady. Rásim EKSPO pavılondarynyń birinde ótedi. Onda 2 kórme aımaǵy uıymdastyrylady. Jastar jyly aıasynda júzege asyrylǵan «Jobalar aýmaǵy» jáne Volonterler jylynyń tusaýkeser kórmesi.
10.00-de «Altyn orda» bıznes ortalyǵynja halal ónim salasyndaǵy sarapshynyń baspasóz konferentsııasy ótedi.
11:00-de Májiliste shahmattan halyqaralyq parlamenttik týrnır ótedi. Parlament ókilderi, onyń ishinde Armenııa, Qyrǵyzstan jáne Moldova depýtattarymen bir ýaqyttaǵy oıyndy halyqaralyq grossmeıster, shahmattan álemniń tórt dúrkin chempıony Dınara Sádýaqasova ótkizedi.
11:00-de elordalyq Dostyq úıinde Nur-Sultan qalasy Qazaqstan halqy Assambleıasy janyndaǵy Aqsaqaldar keńesiniń alǵashqy otyrysy ótedi.
12.00-de Birikken Ulttar Uıymynyń Qazaqstan Respýblıkasyndaǵy járdemdestik qaýymdastyǵy QR Ulttyq mýzeıinde Táýelsizdik kúni merekesine oraı «Eldestirmek elshiden» atty dıplomatııalyq fotokórmesin ashady. Fotokórme QR Ulttyq mýzeıiniń 5 jyldyq mereıtoıy aıasynda uıymdastyrylyp otyr.
15.00-de QR Syrtqy ister mınıstrliginiń úlken májilis zalynda QR Prezıdenti janyndaǵy Adam quqyqtary jónindegi komıssııanyń Halyqaralyq Adam quqyǵy kúnine arnaǵan dóńgelek ústeli ótedi.
15.00-de Qazaqstan Respýblıkasy Ulttyq mýzeıi Qazaqstan Respýblıkasy Tuńǵysh Prezıdenti kúni jáne Táýelsizdik kúnine oraı «Uly dalanyń kemeńger tulǵasy» atty tarıhı-tanymdyq kezdesý ótkizedi.
ALMATY
09.30-da «Forum Almaty» saýda-oıyn-saýyq ortalyǵynda Halyq qory ártúrli áleýmettik baǵyttaǵy qaıyrymdylyq qorlarynyń qatysýymen «Qazaqstandaǵy qaıyrymdylyq mádenıetin damytýdyń keleshegi» atty prezentatsııa ótkizedi.
15.30-da «Turan» ýnıversıtetinde Almaty qalasynyń Qoǵamdyq keńesi ótedi. Jıynda «Almaty qalasynyń 2050 jylǵa deıingi damý strategııasy» tujyrymdamasy talqylanady.
18.30-da Q-lab keńistiginde «Biregeı ǵımarattardyń katalogy» boıynsha ashyq qoǵamdyq tyńdaý ótedi, onda Almaty turǵyndarynyń alǵashqy ótinimderi qaralady.