10 jeltoqsan kúni Qazaqstanda ótetin mańyzdy sharalarǵa sholý
ASTANA. QazAqparat - «QazAqparat» Halyqaralyq aqparat agenttigi Qazaqstanda 10 jeltoqsanda ótetin mańyzdy sharalar legin usynady.
ASTANA
Saǵat 10.00-de Májiliste «Tsıfrlyq Qazaqstan» taqyryby boıynsha Úkimet saǵaty ótedi.
Saǵat 10.30-da Qazaqstan Respýblıkasy Syrtqy ister mınıstrliginde BUU Bas Assambleıasynyń Adam quqyqtary jónindegi jalpyǵa birdeı deklaratsııasy men Adam quqyqtary jónindegi halyqaralyq kúnniń qabyldanǵanyna 70 jyl tolýyna arnalǵan Qazaqstan Respýblıkasy Prezıdentiniń janyndaǵy Komıssııanyń dóńgelek ústeli ótedi.
Saǵat 15.00-de Senatta «Óńir» depýtattyq tobynyń turmystyq qaldyqtardy ýtılızatsııalaý taqyrybyndaǵy jumys otyrysy bastalady.
Saǵat 15.45-te «Nur Otan» partııasynyń Ortalyq apparatynda partııa hatshysy Tamara Dúısenovanyń basshylyǵymen «QR Prezıdentiniń bes áleýmettik bastamasyn» iske asyrýdy baqylaý jónindegi Respýblıkalyq qoǵamdyq Keńeske qarasty jumys tobynyń otyrysy ótedi.
Saǵat 17.00-de «Astana» kontsert zalynda elordany aýystyrý men elimizdiń bas qalasynyń 20 jyldyǵyna arnalǵan merekelik kontsert jáne «Elorda Juldyzy» syılyǵyn tabystaý saltanaty ótedi.
Saǵat 18.00 «Park Inn by Radisson Hotel» qonaq úıinde Qazaqstandaǵy Ulybrıtanııa elshiligi, Tomson Qory (the Thomson Foundation) jáne Qazaqstan Baspasóz klýby «Tsıfrly dıalogtar - Qazaqstannyń bolashaǵy» taqyrybyndaǵy paneldik dıskýssııalar men bılnes-josparlardyń baıqaýynyń jeńismpazdaryn marapattaıdy.
Saǵat 19.00-de «Marrıot» qonaq úıinde adam quqyqtary salasy boıynsha Halyqaralyq nagradalardy tabystaý rásimi men qabyldaý ótedi.
ALMATY
Saǵat 17.00-de «Intercontinental Almaty» qonaq úıinde qazaqstandyq dızaınerler AQTQ anyqtalǵan balalarǵa qoldaý kórsetý úshin qarajat jınaý úshin qaıyrymdylyq keshin ótkizedi.
