10 jeltoqsan kúngi aýa raıy boljamy
NUR-SULTAN. QazAqparat – 10 jeltoqsan kúni respýblıkanyń soltústiginde, shyǵysynda jáne ortalyǵynda qar jaýady. Qazaqstan aýmaǵynyń qalǵan bóliginde jaýyn-shashynsyz aýa raıy kútiledi. Jekelegen óńirlerde tuman, burqasyn, jeldiń kúsheıýi kútiledi. QR soltústiginiń keı jerlerinde kóktaıǵaq boljanady, dep habarlaıdy QazAqparat.
«Qazgıdromet» RMK málimetine sáıkes, Shyǵys Qazaqstan oblysynyń keı jerlerinde tuman, burqasyn kútiledi, jel 15-20 m/s kúsheıedi.
Aqmola, Soltústik Qazaqstan oblystarynyń keı jerlerinde tuman, jaıaý burqasyn boljanady. Kúndiz jeldiń kúshi 15-20 m/s artady. Soltústik Qazaqstan oblysynyń jekelegen aýmaǵynda kóktaıǵaq kútiledi.
Pavlodar oblysynyń keı jerlerinde tuman, kúndiz jaıaý burqasyn bolady. Jel 15-20 m/s kúsheıedi.
Túnde Qaraǵandy oblysynyń keı jerlerinde tuman, jaıaý burqasyn kútiledi.
Jambyl, Túrkistan, Atyraý, Batys Qazaqstan, Aqtóbe, Qostanaı, túnde jáne tańerteń Almaty oblystarynyń keı jerlerinde tuman bolady.
Mańǵystaý oblysynyń soltústiginde 21 gradýsqa deıin qatty aıaz saqtalady.
