10 jeltoqsan - astananyń resmı kóshirilgen kúni
Elordany kóshirý týraly usynysty Qazaqstannyń Tuńǵysh Prezıdenti Nursultan Nazarbaev 1994 jyly Qazaqstan Respýblıkasy Joǵarǵy Keńesiniń otyrysynda jarııa etti. Halyq qalaýlylary bul ıdeıany qoldap, birneshe jyldan keıin ortalyq memlekettik organdardyń elimizdiń jańa bas qalasyna kóshýi bastaldy.
1995 jyldyń 15 qyrkúıeginde Nursultan Nazarbaev «Qazaqstan Respýblıkasynyń astanasy týraly» Jarlyqqa qol qoıyp, onda bıliktiń joǵary jáne ortalyq organdaryn Aqmola qalasyna kóshirý jónindegi jumysty uıymdastyrý úshin memlekettik komıssııa qurýdy tapsyrdy.
1997 jylǵy 20 qazanda elimizdiń Tuńǵysh Prezıdenti «Aqmola qalasyn Qazaqstan Respýblıkasynyń astanasy dep jarııalaý týraly» Jarlyqqa qol qoıdy. Qujatqa sáıkes Aqmola 1997 jyldyń 10 jeltoqsanynda Táýelsiz Qazaqstannyń jańa astanasyna aınaldy.
Jarty jyldan keıin, 1998 jyldyń maýsym aıynda qalanyń resmı tusaýkeserin ótkizdi.
Nursultan Nazarbaevtyń 2005 jyly jaryq kórgen «Eýrazııa júreginde» atty kitabynda Elbasy astanany kóshirý jáne eldiń bas qalasy retinde Aqmolany tańdaý sebepteri týraly áńgimeledi.
«Jańa astanany irikteýdiń barlyq krıterııleri negizinde Táýelsiz Qazaqstannyń ákimshilik jáne saıası ortalyǵyn Aqmola qalasyna ornalastyrý múmkindigi basym boldy. Máselen, 1994 jylǵy shildede Astanany 1000 shaqyrymnan astam soltústikke, dalaly Aqmolaǵa aýystyrý týraly sheshim qabyldandy... Aqmola Qazaqstannyń geografııalyq ortalyǵyna jaqyn jáne Qazaqstan ekonomıkasynyń jetekshi jáne qarqyndy ósý núkteleri bolyp tabylatyn mańyzdy sharýashylyq óńirlerine jaqyn ornalasqan. Qala iri kólik magıstraldarynyń qıylysynda ornalasqan jáne osyǵan baılanysty elimizdiń barlyq óńirlerimen baılanysqan. Sonymen qatar, qala Qazaqstan úshin kóptegen shet elderge shyǵýdyń eń ońaı joly bolyp tabylatyn transeýrazııalyq magıstraldardyń janynda ornalasqan», - delingen kitapta.
Elbasynyń aqparaty boıynsha, astanany kóshirý týraly sheshim qabyldanǵan sátte Aqmola halqynyń sany 290 myń adamdy qurady. Osy jyldar ishinde ósim mıllıonǵa jýyq boldy, al qazirgi Nur-Sultanda 1 mln. 200 myńnan astam azamat turady.
Ýaqyt elordany kóshirý búkil Qazaqstandy jańǵyrtý jónindegi júıeli reformalardyń mańyzdy quramdas bóligine aınalǵanyn kórsetti. Bul úshin eldiń bas qalasy tanymastaı ózgerdi.
Búginde Elbasynyń tarıhı jáne taǵdyrsheshti jobasy bolyp tabylatyn Nur-Sultan qalasy - álemdegi eń jas Astana jáne Ortalyq Azııadaǵy eń jyldam damyp kele jatqan qala.
Jyl saıyn qalada turǵyn úı, áleýmettik ınfraqurylym qurylysynyń qarqyny artyp keledi. «Nur Otan» partııasynyń saılaýaldy baǵdarlamasyn iske asyrý aıasynda 2025 jylǵa deıin elordada 50 myń áleýmettik páter, bilim berý, medıtsına, sport jáne t. b. nysandar salý josparlanǵan.