10 jastaǵy balany ıtterden qutqarǵan azamat Prezıdent Alǵys hatyn aldy
QONAEV. KAZINFORM – Almaty oblysynyń ákimi Marat Sultanǵazıev Memleket basshysy Qasym-Jomart Toqaevtyń atynan Serikbek Aldabergenuly Saqaıbekovke Alǵys hat tabystady.
Aýyl turǵyny maýsym aıynyń sońynda Almalybaq aýylynda ıt shabýylyna ushyraǵan 10 jastaǵy balany ajaldan arashalap qaldy. Oqıǵa 30 maýsym kúni fýtbol alańynda bolǵan. Balanyń kómekke shaqyrǵan daýsyn estip, Serikbek Saqaıbekov oılanbastan kómekke umtylyp, óz ómirine qaýip tónse de, balany qutqaryp qalǵan.
Oblys ákimi erlik ıesine alǵysyn bildirip, mundaı oqıǵalar qoǵamdaǵy beıjaı qaramaýdyń azaımaǵanyn, shynaıy janashyrlyqtyń bar ekenin kórsetetinin atap ótti.
Sondaı-aq otyrys barysynda elimizdiń sý sharýashylyǵyn damytýǵa jáne halyqty aýyz sýmen qamtamasyz etýge qosqan eleýli úlesi úshin «Almatyoblsýshar» mekemesiniń «Іle» óndiristik ýchaskesiniń ınjener-gıdrotehnıgi Valentına Leonıdovna Mýlıavko Qazaqstan Respýblıkasy Prezıdentiniń 2025 jylǵy 4 shildedegi №933 Jarlyǵymen «Eren eńbegi úshin» medalimen marapattaldy.
Eske salaıyq, buǵan deıin Serikbek Saqaıbekovqa Qarasaı aýdanynyń ákimdigi, aýdandyq polıtsııa basqarmasy jáne tótenshe jaǵdaılar bólimi alǵys hat pen baǵaly syılyqtar tabystaǵan bolatyn.