10 jasar shahmatshy Sıvananda eń jas halyqaralyq sheber atandy

ASTANA. KAZINFORM — Londondyq 10 jasar shahmatshy Bodhana Sıvananda áıelder arasynda halyqaralyq sheber ataǵyn jeńip alǵan eń jas qyz atandy. Tamyz aıynyń basynda ol Ulybrıtanııa chempıonatynda grossmeısterdi jeńdi, dep habarlaıdy VVS.

— Sıvananda 10 jas, 5 aı, 3 kúndik kezinda jeńiske jetip, 2019 jyly amerıkandyq Karıssa Iıp ornatqan rekordty (10 jas, 11 aı, 20 kún) basyp ozdy, - dep habarlady eldiń shahmat federatsııasy.

Bodhananyń jańa ataǵy - halyqaralyq áıel sheber - tek áıelderge beriletin ekinshi joǵary ataq, tek grossmeısterden keıin turady. Grossmeıster – bul shahmatshy qol jetkize alatyn eń joǵary ataq jáne ol ómir boıy saqtalady.

Bir jyl buryn Sıvananda shahmattan ulttyq quramaǵa qosylǵanda el namysyn halyqaralyq deńgeıde tanytqan eń jas brıtandyq sportshy boldy.

Ol alǵash ret shahmat oınaýdy 5 jasynda COVID-19 pandemııasy men karantın kezinde bastaǵan. Ol óziniń alǵashqy shahmat taqtasyn Úndistanǵa oralýdy josparlaǵan ákesiniń dosynan aldy. Bastapqyda Bodhana shahmat fıgýralaryn oıynshyq retinde paıdalandy, biraq keıin oıyn erejelerine qyzyǵýshylyq tanytty. Onyń otbasynda qyzdyń ózinen basqa eshkim shahmat oınamaıdy.

Onyń ákesi qyzyna erekshe qabilet qaıdan daryǵanyn bilmeıtinin aıtty, óıtkeni ol da, áıeli de ınjener jáne shahmatty jaqsy oınaı almaıdy.

Eske sala keteıik, Ortalyq Azııadaǵy eń qymbat jas fýtbolshy kim ekeni jaıly jazǵan edik.