10 jasar qyz aıtqan ánniń vıdeosy mıllıondaǵan kórermen jınady
NUR-SULTAN. QazAqparat - America's Got Talent baǵdarlamasyna qatysqan 10 jasar Iman Bısha erekshe daýysymen kórermenderdi tánti etti. Onyń YouTube-qa jarııalaǵan vıdeosyn aınalasy bir aptanyń ishinde eki mıllıonnan astam adam kórgen, dep habarlaıdy QazAqparat tilshisi.
Baıqaýda kishkentaı qyz Djakomo Pýchchınıdiń «Týrandot» operasynyń sońǵy aktyndaǵy «Eshkim de uıyqtamaıdy» (Nessun dorma) arııasyn oryndady. Tamasha daýys ıesiniń kelesi kezeńge ótýine qazylar alqasynyń tórt múshesi de biraýyzdan daýys berdi.
Iman Bısha Iordanııada týǵan. 2017 jyly ol arab elderiniń Arabs Got Talent baıqaýynda jeńiske jetken. Sol joly Iordanııa koroli ІІ Abdalla Imandy altyn medalmen marapattaǵan bolatyn.
