10 jasar qazaq qyzy shahmattan ekinshi ret álem chempıonatynyń altyn júldegeri atandy
ALMATY. 12 qarasha. QazAqparat /Erbol Turymbetov/ - Keshe «Almaty» shıpajaıynda álemniń eki dúrkin chempıony, jas shahmatshy Jansaıa Ábdimáliktiń Grekııa jerinen kezekti jeńispen oralýyna baılanysty baspasóz máslıhaty ótti.
Almaty qalasynyń atynan talaı jarystarda olja salyp júrgen talantty qyzymyz bul joly Halyqaralyq jarysta qazaqtyń kók baıraǵyn jelbiretip kelipti.
Grekııadaǵy álem birinshiligi 87 elden 1400 qatysýshy jınap, rekordtyq kórsetkish tirkeldi. Shveıtsarııalyq ádispen ótkizilgen týrnırde barlyǵy 11 týr oınaldy. Sonyń ár jastaǵy bóliminde Qazaqstannan barlyǵy 18 shahmatshy qatysty. Al 10 jasqa deıingi sportshylardyń arasynda Jansaıadan ózge bizdiń eldiń namysyn qorǵaǵan Baýyrjan Arnash pen Saltanat Muratova boldy.
11 týrda bir de bir ret jeńilis tappaǵan Jansaıa mońǵolııalyq Nomınarde ekeýi «altyn» júldeni bólisti. J. Ábdimáliktiń aıtýynsha, oǵan eń qıyn bolǵan 5-6 týrlar eken. Bir kúnde oınalǵan qos týr 9 saǵatqa sozylǵan. Ásirese, mońǵol qyzy Nomınardemen ótken kezdesýde qos myqty shahmat taqtasynyń aldynda 5 saǵat otyrǵan. Dese de týrnır qorytyndysy boıynsha tóreshiler jeńisti sońǵy kezderi kóp koefıtsent jınap júrgen mońǵol qyzyna berdi. Sóıtip, Nomınarde - birinshi, Jansaıa - ekinshi oryndy ıelendi. Ekinshi orynǵa turaqtaǵanymen, altyn júldeli bolǵan Jansaıa aldaǵy ýaqytta ol qarsylasyn jeńetinine senimdi ekenin málimdedi.
Jarys barysynda almatylyq jas darynǵa demeýshilik tanytqan «Mańǵystaýmunaıgaz» kompanııasynyń ókili Asqar Yrzahanov aldaǵy kele jatqan Azııa jáne Álem birinshilikterinde, sondaı-aq shet eldegi týrnırlerde shahmatshyny turaqty demeýshilikke alatynyn málimdedi.
