10 jasar balany pyshaqtaǵan kúdiktige izdeý jarııalandy
TALDYQORǴAN. QazAqparat - Almaty oblysynyń Alakól aýdanynda 10 jastaǵy balany pyshaqtaǵan kúdiktige izdeý jarııalandy, dep habarlaıdy QazAqparat tilshisi.
Almaty oblystyq polıtsııa departamenti 21 jastaǵy Darhan Aıdarhanovty izdestirip jatyr. Kúdikti Úsharal qalasynda 10 jastaǵy balany pyshaqtap, úıinen 20 myń teńge aqshany urlap ketken. Qazir birneshe jerinen pyshaq jaraqatyn alǵan mektep oqýshysy Alakól aýdandyq aýrýhanasynda jatyr.
Polıtsııa kimde-kim sýrettegi adamdy tanıtyn bolsa dereý 8 (7282) 608035, 608074, 603057, 8 - 7756963717 nemese 102 nomerlerine habarlasýyn suraıdy.
«Darhan Aıdarhanov 1998 jyly týǵan. Boıy shamamen 175-180 sm, dene bitimi aryqtaý kelgen. Erekshe belgileri, erininiń oń jaǵynyń tómengi tusynda meńi bar», - delingen atalǵan vedomstvonyń taratqan aqparatynda.
Esterińizge sala keteıik, buǵan deıin 29 mamyr kúni Almaty oblysynda 10 jastaǵy balany pyshaqtap ketkeni jaıly habarlaǵan bolatynbyz.
