10 jasar almatylyqqa 2 JSN-di kim berdi
ASTANA. QazAqparat - QR Іshki ister mınıstrligi Memlekettik til jáne aqparat departamentiniń dırektory Almas Sadýbaev almatylyq 10 jastaǵy balaǵa 2 jeke sáıkestendirý nómirin kimderdiń bergenin aıtty, dep habarlaıdy QazAqparat.
«Qazaqstan Respýblıkasynyń qujattalǵan halqynyń derekter bazasyna sáıkes atalǵan balada 2 JSN bar. Birinshisi belgilengen tártippen 2012 jyly Almaty qalasy Medeý aýdandyq ІІB kóshi-qon qyzmeti bóliminen alynǵan. Ekinshisin 2013 jyly salyq organdary Qazaqstan Respýblıkasynyń rezıdenti emes (AQSh azamaty) retinde bergen. Atalǵan másele boıynsha túsinikteme alý, sonymen qatar ony joıý úshin Qazaqstan Respýblıkasynyń Qarjy mınıstrliginiń Qarjy mınıstrligine júginý qajet», - dedi Almas Sadýbaev.
Aıta keteıik, Facebook qoldanýshy Tatıana Prılepına apaıynyń balasy aýyryp Almaty qalasyndaǵy №5 qalalyq klınıkalyq emhanaǵa aparǵan kezde qabyldamaǵanyn, óıtkeni, aqparattyń júıede bala AQSh azamaty retinde shyǵyp turǵanyn jazǵan edi. Buǵan qosa, balada eki jeke sáıkestendirý nómiri bolǵan.
«Búkil ómirińge bireý ǵana beriledi emes pe? Ekeýi qaıdan shyǵyp tur? Emhanadaǵylar HQKO-ǵa baryp, JSN alýǵa keńes berdi. Bardyq, bir JSN alyp keldik. Bazaǵa engizse, ol joq. Emhanada joq bolǵanymen qalalyq densaýlyq basqarmasynyń aqparattandyrý sektorynda bar. Qalalyq densaýlyq saqtaý basqarmasynyń aqparattandyrý sektorynyń bas mamany Abylaı Nurmahanovqa bardyq. Jaǵdaıdy túsindirip, qujattardy kórsettik. Bazadan tekserdi. Iá, bazada durys jáne qate JSN bar eken, emhanaǵa tirkeý týraly birneshe ótinish jiberdik. Biraq, barlyq jerde bas tartý mártebesi tur», - dep jazǵan edi ol.
Degenmen sál keıinirek, Tatıana Prılepına nemeresiniń emhanaǵa tirkelgendigin jazǵan edi.
