10 tamyzda respýblıkanyń ońtústik-shyǵysynda shań kóterilip, daýyl turady dep kútilýde
ASTANA. 9 tamyz. QazAqparat - Qazaqstannyń basym bóliginde keı jerlerde naızaǵaı jarqyldap, jańbyr jaýady, jel kúsheıedi, ońtústik-shyǵysta shań kóterilip, daýyl turady.
Bul týraly Qazgıdrometke silteme jasap, QR TJM baspasóz qyzmetinen habarlady.
Pavlodar, Soltústik Qazaqstan, Qostanaı, Qaraǵandy, Atyraý, Mańǵystaý, Jambyl, Ońtústik Qazaqstan, Qyzylorda oblystarynda, kúndiz Batys Qazaqstan, Aqtóbe, Shyǵys Qazaqstan oblystarynda keı jerlerde jel 15-20 m/s-qa deıin kúsheıedi dep kútilýde, Qostanaı, Mańǵystaý oblystarynda - keı jerlerde tuman túsedi. Almaty oblysynda keı jerlerde jel 17-22 m/s-qa kúsheıedi, shań kóterilip, daýyl turady dep kútilýde.
Respýblıkanyń ońtústiginde, ońtústik-shyǵysynda jáne ortalyǵynda tótenshe joǵary órt qaýpi saqtalady.
