10 tamyzda Qazaqstannyń kóptegen bóliginde jaýyn-shashynsyz aýa raıy kútiledi
ASTANA. 9 tamyz. QazAqparat - QR Qorshaǵan ortany qorǵaý mınıstrliginiń «Qazgıdromet» RMK-nyń málimetterinshe, 10 tamyz kúni Qazaqstannyń kóptegen bóliginde jaýyn-shashynsyz aýa raıy saqtalady.
Respýblıkanyń tek batys jáne shyǵys jartysynda frontaldyq bólikterdiń ótýimen keıbir jerlerde ótkinshi jańbyrlar jaýyp, naızaǵaı oınaıdy, jel kúsheıedi.
Almaty, Jambyl, Qyzylorda, Shyǵys Qazaqstan oblystarynda, kúndiz Ońtústik Qazaqstan jáne Atyraý oblystarynda keıbir jerlerde jeldiń 15-20 m/s jyldamdyqpen soǵýy, Almaty, Qyzylorda, Atyraý oblystarynda shańdy daýyl kútilýde.
Aqtóbe, Qyzylorda, Mańǵystaý, Atyraý, Batys Qazaqstan oblystarynda, Ońtústik Qazaqstan, Qostanaı, Qaraǵandy oblystarynyń keıbir jerlerinde kúndiz kún ysıdy, Aqtóbe oblysynda qatty ystyq bolady dep kútilýde.
Atyraý oblysynda, Ońtústik Qazaqstan oblysynyń kóptegen bóliginde, Batys Qazaqstan, Aqtóbe, Qyzylorda, Jambyl, Almaty, Pavlodar, Shyǵys Qazaqstan oblystarynda tótenshe joǵary órt qaýiptiligi saqtalady.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıleriniń aýytqýlary kútilýde.
