10 tamyz kúni Qazaqstanda ótetin mańyzdy oqıǵalarǵa sholý
ASTANA. QazAqparat - «QazAqparat» halyqaralyq aqparat agenttigi 10 tamyz kúni elimizdiń aýmaǵynda ótetin mańyzdy oqıǵalarǵa sholý usynady.
ASTANA
11.00-de Aýyr atletıkadan álem chempıony, Astana qalasynyń qurmetti turǵyny Anatolıı Hrapatyıdyń qurmetine memorıaldyq taqta ashylady. Mekenjaı: Astana qalasy, Jeńis dańǵyly, 5/1.
14.00-de «Nur Otan» partııasynyń Astana qalalyq fılıalynyń ǵımaratynda qazaqtyń uly aqyny Abaı Qunanbaıulynyń 173 jyldyǵyna oraı jastar arasynda kvest oıyn uıymdastyrylady.
14.30-da Astana qalasynyń Kásipkerler palatasynda «Astana» áleýmettik-kásipkerlik korporatsııasy» AQ (ÁKQ) «1000 oryn - kóshe saýdasy» jobasy boıynsha kommertsııalyq jer telimin alǵan elordalyq bıznes ókilderimen kezdesý ótedi.
15.00-de QR Ulttyq mýzeıinde Astananyń 20 jyldyq mereıtoıy aıasynda «Úshqońyr» kórmesiniń ashylý saltanaty ótedi. Kórmege Elbasynyń «Úshqońyr» jınaǵyna engen sýretshilerdiń týyndylary qoıylady.
15.00-de «Nur Otan» partııasynyń Respýblıkalyq qoǵamdyq qabyldaý bólmesinde QR Eńbek jáne halyqty áleýmettik qorǵaý mınıstri Mádına Ábilqasymova azamattardy qabyldaıdy.
AQMOLA OBLYSY
10.00-de Zerendi aýdanyndaǵy «Dıhan Plıýs» JShS bazasynda Atbasar, Zerendi, Sandyqtaý, Jaqsy, Jarqaıyń, Esil aýdandarynyń aýyl sharýashylyq taýar óndirýshilerine arnalǵan tájirıbelik semınar bastalady.
AQTÓBE OBLYSY
11:00-de Aqtóbe oblysynyń Óńirlik kommýnıkatsııalar qyzmetinde «Aqtóbe oblysynda sport kúnin ótkizý» taqyrybynda baspasóz máslıhaty ótedi.
11.00-de Aqtóbe oblysynyń kásipkerler palatasynda Qurylysshylar kúnine arnalǵan saltanatty jıyn bastalady. Shara barysynda Aqtóbe oblysynyń Kásipkerler palatasynyń basshylyǵy osy salaǵa qosqan úlesi jáne belsendi yntymaqtastyq úshin óńirdiń 40-qa jýyq qurylys kompanııacynyń, kásiporyn men salalyq uıymnyń ókilderin alǵys hattar men QR Investıtsııa jáne damý mınıstrliginiń «Qurmetti qurylysshy» tós belgilerimen marapattaıdy.
ATYRAÝ OBLYSY
16.00-de QR Memlekettik qyzmet isteri jáne sybaılas jemqorlyqqa qarsy is-qımyl agenttigi Atyraý oblysy boıynsha departamenttiń uıymdastyrýymen «І jartyjyldyq boıynsha Departamentpen atqarylǵan jumystarynyń nátıjesi» taqyrybynda baspasóz máslıhaty ótedi.
