10-shy qabattan qulaǵan 2 jasar bala aman qaldy
ASTANA. QazAqparat - Reseıdiń Ýlıanovsk qalasynda 10-qabattan qulaǵan 2 jasar sábı aman qaldy. Bul týraly RF ІІM-ne silteme jasap, «Interfaks» habarlap otyr.
Polıtsııanyń málimetinshe, 17 aqpanda ekige tolatyn bala úıde anasymen birge bolǵan. Anasy bir sátke ulyn qadaǵalaýsyz qaldyryp edi, ol tereze jaqtaýyna minip, jartylaı ashyq turǵan terezege basyn suǵyp, ár jaǵyna qulap ketken. «Abyroı bolǵanda, bala omby qardyń ústine túsken», - dep atap ótti Ýlıanovsk polıtsııasy basqarmasynyń baspasóz qyzmetindegiler. Qulaǵan bala dereý oblystyq klınıkalyq aýrýhananyń jansaqtaý bólimine jatqyzylǵan. Aıta ketý kerek, balanyń ata-anasy tártibi boıynsha esepte turmaǵan jáne polıtseıler olardy jaǵdaıy jaqsy otbasy sanatyndaǵylar qataryna jatqyzyp otyr.
