10-shy halyqaralyq Djaz festıvalinen túsetin qarjy Japonııa eline kómek retinde beriledi
ALMATY. 13 sáýir. QazAqparat /Áıgerim Ámir/ - Almatyda Oqýshylar saraıynda 14-17 sáýir kúnderi 10-shy halyqaralyq Djaz festıvali ótedi. Festıvalden túsken barlyq qarjy Japonııa elin qaıta qalpyna keltirý jumystaryna kómek retinde beriletin bolady.
Bul týraly búgin festıvalge arnalǵan arnaıy baspasóz májilisinde belgili boldy.
Uıymdastyrýshylardyń aıtýynsha, kontsert kezderinde jınalǵan barlyq qarjy, sondaı-aq, bıletterden túsken aqshanyń jartysy Japonııanyń Qazaqstandaǵy Elshiliginiń ókilderine tapsyrylady.
Festıvalge «Night Jazz», «No Time», «HO» jáne djaz mektebiniń orkestiri «Almaty Youth Jazz Band» syndy qazaqstandyq djaz toptarymen qatar, AQSh, Germanııa, Frantsııa, Avstrııa, Túrik elderiniń «Shamarr Allen and Underdawgs» (AQSh), «Das Kapital» (Germanııa), «Sibel Kose» (Týrtsııa), «Faib Fiction» (Avstrııa), «Didier & Francis Lockwood» (Frantsııa) syndy tanymal toptary qatysady.
Djaz mektebi «Almaty Youth Jazz Band» 2000 jyly qurylǵan. Qazirgi kúni ol Ortalyq Azııadaǵy jastarǵa arnalǵan jalǵyz djaz mektebi bolyp otyr. Búginde mektepte orkestirdiń úsh quramy bar. Oqýshylar sany 150-ge deıin jetken. Mektepke 6 jastan 18 jasqa deıingi balalar keledi. Sondaı-aq, úlkenderge de esik ashyq. Mekteptiń maqsaty - ósip kele jatqan jastarǵa djaz áleminen sabaq berý, tárbıeleý jáne olardyń ónerge degen súıispenshiligin arttyrý.
Djaz mektebiniń dırektory jáne Qazaqstandaǵy djaz festıvaliniń negizin qalaýshy Tagır Zarıpovtyń aıtýynsha, bıylǵy jyly kórshi elderdiń djaz toptary bul festıvalge qatysa almaıdy. Sebebi, ol jaqta da djaz festıvali ótýde, - deıdi.
