10 shilde. Kazinform kúntizbesi. Tulǵalar týǵan kún

ESІMDER

63 jyl buryn (1963) Qazaqstan Respýblıkasynyń Kýba Respýblıkasyndaǵy Tótenshe jáne ókiletti elshisi, dıplomat Andrıan Kópmaǵambetuly ELEMESOV dúnıege keldi.

Túrikmenstannyń Maryı oblysynda týǵan. Qazaq hımııa-tehnologııalyq ınstıtýtyn bitirgen, qurylys ınjeneri (1985); Qazaqstan Respýblıkasynyń Tótenshe jáne Ókiletti Elshileri jáne Qazaqstan Respýblıkasy Syrtqy ister mınıstrliginiń Dıplomatııalyq akademııasyndaǵy qurylymdyq bólimshelerdiń basshylaryna arnalǵan kýrsty aıaqtaǵan.

Eńbek jolyn 1985 jyly jumysker, brıgadır, sheber, prorab, «Shymkentqurylys» tresiniń komsomoldyq uıymynyń hatshysy qyzmetinen bastady. 1991-1992 jyldary shaǵyn kásipkerlik salasynda qyzmet etti, «AKE S» kompanııasynyń prezıdenti boldy, 1992-1995 jyldary — «Qazaqıtalqarakól» birlesken kásipornynyń Italııadaǵy ókili, 1995-1996 jyldary QR Syrtqy ister mınıstrliginiń úshinshi hatshysy qyzmetin atqarǵan. 1996-2001 jyldary QR-dyń Italııadaǵy Elshiliginiń konsýly-úshinshi, ekinshi hatshysy, 2001-2003 jyldary QR Syrtqy ister mınıstrliginiń keńesshisi, memlekettik protokol qyzmetiniń saparlar bóliminiń bastyǵy, Ortalyq jáne Shyǵys Eýropa bólimderiniń bastyǵy, 2004-2010 jyldary QR Syrtqy ister mınıstrliginiń memlekettik hattama qyzmetiniń basshysy, 2010-2012 jyldary Qazaqstan Respýblıkasynyń Ispanııa Koroldigindegi Elshiliginiń keńesshi-elshisi laýazymyn atqarǵan. 2012-2015 jyldary Qazaqstan Respýblıkasynyń Italııa Respýblıkasyndaǵy Tótenshe jáne ókiletti elshisi, QR-nyń Malta Respýblıkasyndaǵy Tótenshe jine ókiletti elshisi, QR-nyń San-Marıno Respýblıkasyndaǵy Tótenshe jine Ókiletti Elshisi qyzmetterin qosa atqarǵan. 2015-2020 jyldary Qazaqstan Respýblıkasynyń Meksıka Qurama Shtattaryndaǵy Tótenshe jáne ókiletti elshisi, 2018-2020 jyldary Qazaqstan Respýblıkasynyń Panama Respýblıkasyndaǵy Tótenshe jáne ókiletti elshisi, Qazaqstan Respýblıkasynyń Kosta-Rıka Respýblıkasyndaǵy, Domınıkan Respýblıkasyndaǵy, ıAmaıkadaǵy Tótenshe jáne ókiletti elshisi qyzmetterin qosa atqarǵan.

Qazirgi qyzmetinde — 2022 jyldyń naýryz aıynan bastap.

2008 jyly Italııa Respýblıkasyna sińirgen eńbegi úshin eńbegi kúshin Kavaler ordenimen marapattalǵan.

59 jyl buryn (1967) Qorqyt ata atyndaǵy Qyzylorda ýnıversıtetiniń rektory Naýryzbaı Seıitqalıuly BAIQADAMOV dúnıege keldi.

Qyzylorda oblysy J.Mahambetov aýylynda týǵan. N.Gogol atyndaǵy Qyzylorda pedagogıkalyq ınstıtýtyn «Tarıh jáne frantsýz tili» mamandyǵy boıynsha bitirgen (1991). Tarıh ǵylymdarynyń kandıdaty, dotsent.

Eńbek joly: Qyzylorda oblysy, Syrdarııa aýdany, Amangeldi atyndaǵy № 139 orta mekteptiń muǵalimi (1991-1994); Qorqyt Ata atyndaǵy Qyzylorda memlekettik ýnıversıtetiniń «Memleket jáne quqyq teorııasy men tarıhy» kafedrasynyń oqytýshysy, aǵa oqytýshysy, meńgerýshisi (1994-2003); Qorqyt Ata atyndaǵy Qyzylorda memlekettik ýnıversıteti janyndaǵy kolledj dırektory (2003-2006); «Nur Otan» HDP Qyzylorda oblystyq fılıaly tóraǵasynyń orynbasary (2007); Qorqyt Ata atyndaǵy Qyzylorda memlekettik ýnıversıtetiniń tárbıe isi jónindegi prorektory (2008-2013); Qyzylorda oblysynyń bilim basqarmasynyń basshysy (2013-2015); «Nur Otan» partııasy Qyzylorda oblystyq fılıaly tóraǵasynyń birinshi orynbasary (2015-2016); Qyzylorda oblystyq máslıhatynyń hatshysy (2016-2019); Qyzylorda oblysy ákiminiń orynbasary (2019-2021); Qyzylorda oblystyq máslıhatynyń hatshysy (2021-2023); «AMANAT» partııasy Qyzylorda oblystyq fılıalynyń tóraǵasy (2022-2023); Qyzylorda oblystyq máslıhatynyń tóraǵasy (2023-2024).

2026 jyldyń qańtar aıynan bastap qazirgi qyzmetinde.

«Qurmet» jáne «Parasat» ordenderimen marapattalǵan.

49 jyl buryn (1977) Ulttyq gvardııanyń tehnıka jáne jabdyqtaý jónindegi bas qolbasshysynyń orynbasary Ernur Baýyrjanuly JÚNІSOV dúnıege keldi.

Semeı oblysynyń týmasy. S. Amanjolov atyndaǵy Shyǵys Qazaqstan memlekettik ýnıversıtetin bitirgen (1999).

Eńbek joly: Óskemen garnızony boıynsha ÁQB tergeý bóliminiń tergeýshisi (2000-2002); Óskemen garnızony boıynsha ÁQB tergeý bóliminiń aǵa tergeýshisi (2002-2004); Shyǵys Qazaqstan oblysyndaǵy ekonomıkalyq jáne sybaılas jemqorlyqqa qarsy kúres departamentiniń aǵa tergeýshisi (2004-2005); Shyǵys Qazaqstan oblysy boıynsha Tergeý departamentiniń ekonomıkalyq jáne qarjylyq qylmystardy tergeý departamenti bastyǵynyń mindetin atqarýshy (05.2005-08.2005); Shyǵys Qazaqstan oblysy boıynsha Ekonomıkalyq qylmystar jáne sybaılas jemqorlyqqa qarsy kúres departamentiniń Tergeý departamentiniń sybaılas jemqorlyq jáne laýazymdyq qylmystardy tergeý departamentiniń bastyǵy (2005-2006); Shyǵys Qazaqstan oblysy boıynsha Ekonomıkalyq qylmystar jáne sybaılas jemqorlyqqa qarsy kúres departamentiniń tergeý bóliminiń bastyǵy (2006-2009); Shyǵys Qazaqstan oblysy boıynsha Tótenshe jaǵdaılar departamentiniń Qarjy departamentiniń Memlekettik satyp alý, aýdıt jáne logıstıka bóliminiń bas mamany (2010); Shyǵys Qazaqstan oblysy sottarynyń ákimshisi; Qazaqstan Respýblıkasy Іshki ister mınıstrliginiń Áskerı-tergeý departamenti bastyǵynyń orynbasary (2025-2026).

2026 jyldyń mamyr aıynan bastap qazirgi qyzmetinde.

68 jyl buryn (1958-2016) jazýshy, aqyn, dramatýrg, mádenıettanýshy Áýezhan Ábdiramanuly QODAR dúnıege kelgen.

Ol Qyzylorda oblysynda týǵan. 1982 jyly S. Kırov atyndaǵy qazaq memlekettik ýnıversıtetiniń zań fakýltetin bitirgen.

1982-1985 jyldary Qyzylorda oblysy Qarmaqshy aýatkomynyń jasóspirimder jónindegi komıssııanyń hatshysy, 1989-1994 jyldary Qazaqstan Jazýshylar odaǵy janyndaǵy kórkem aýdarma jáne ádebı baılanystar jónindegi redaktory bas alqasynda orys bóliminiń meńgerýshisi, 1994 jyldan Qazaqstan halyqtarynyń mádenıetin qorǵaý jónindegi «Altyn ǵasyr» qoǵamdyq birlestiginiń prezıdenti boldy. 1997-1998 jyldary Nemis teatr akademııasynda fılosofııa tarıhynan dáris berdi. 1999 jyldan «Tamyr» jýrnalynyń bas redaktory bolǵan. 1999-2001 jyldary Soros-Qazaqstan halyqaralyq qorynyń Basqarma múshesi qyzmetin atqarǵan. 2002 jyldyń jeltoqsanynan QR Prezıdenti janyndaǵy BAQ jónindegi keńestiń múshesi, 2006 jyldan «Eýrazııalyq zertteýler ınstıtýty» Reseı-Qazaqstan qory bas dırektorynyń keńesshisi, 2007-2008 jyldary Mádenı saıasat jáne ónertaný ınstıtýtynyń dırektory boldy.

«Parasat» ordenimen, medaldarmen marapattalǵan.

«Týǵan kún», «Aqedildiń anty» pesalarynyń (1986), «Qanatty órnek» (1990), «Abaı (Ibrahım) Qunanbaev» jınaǵynyń (1996), «Eske almaý sheńberi» (1998), «Qazaq ádebıetiniń tarıhyna sholý» (1999) kitabynyń, «Qanaǵat qaǵanaty» jınaǵynyń (1994) avtory. Qazaq tiline E. Zamıatınniń «Attıla» dramasyn, M. Haıdetter, H. Gasettiń fılosofııalyq eńbekterin, Shvıtterstiń óleńderin, orys tiline Abaı, Maǵjan, J.Jaqypbaevtyń shyǵarmalaryn aýdarǵan.