10 sáýirge arnalǵan aýa raıy boljamy: QR-nyń batysynda - jańbyr men jel, basqa aýmaǵynda kún shýaqty bolady
ASTANA. 9 sáýir. QazAqparat - Qazaqstannyń batysyndaǵy aýa raıy atmosferalyq tutas bólikterdiń ótýine baılanysty. Olardyń ótýimen 10 sáýir kúni ótkinshi jańbyr bolyp, ekpindi jel soǵady. QR-nyń qalǵan aýmaǵynda antıtsıklonnyń yqpalymen aýa raıy shýaqty bolady,
dep habarlaıdy Qazgıdrometke silteme jasaǵan TJM-niń baspasóz qyzmeti.
Ońtústik Qazaqstan oblysynda keıbir jerlerde shańdy daýyl, jeldiń 15-20 m/s deıin kúsheıýi, kúndiz jekelegen aýdandarda jel ekpini 25 m/s deıin jetedi dep kútilýde.
Qostanaı, Soltústik Qazaqstan, Shyǵys Qazaqstan oblystarynda túnde jáne tańerteń tuman túsedi dep kútilip otyr.
Jambyl, Atyraý, Mańǵystaý oblystaryndaǵy keıbir jerlerde tuman, jeldiń 15-20 metrge deıin kúsheıýi bolady.
Kúndiz Qyzylorda oblysynda 15-20 m/s jyldamdyqpen jel soǵady, jekelegen aýdandarda - shańdy daýyldy jel bolady dep kútilýde.
Jaqyn táýlikterde Jaıyq (BQO aýmaǵynda), Esil, Tobyl, Ertis ózenderinde muz betiniń odan ári álsireýi men buzylýy kútilip otyr.
Batys Qazaqstan, Aqtóbe, Qostanaı, Soltústik Qazaqstan, Aqmola, Qaraǵandy oblystarynyń ózenderinde sel kúsheıip, sý deńgeıleriniń kóterilýi jalǵasady.
Qostanaı oblysyndaǵy Aıat, Toǵyzaq ózenderinde sýdyń tasýy men sý basýlar bolýy múmkin. Qostanaı qalasynyń aýdanyndaǵy Tobyl ózeninde Qaratomar sý qoımasynan sdyń kóp aǵyp kelýine baılanysty sý deńgeıiniń kóterilýi baıqalady.
ShQO-nyń ózenderinde seńderdiń júrýi jalǵasyp, muz keptelisteriniń bolýy múmkin. Respýblıkanyń ońtústigi men ońtústik shyǵysynda sýly jerlerde olardyń deıgeıiniń aýytqýy baıqalady.
