10 sáýir kúni Qazaqstanda bolatyn mańyzdy oqıǵalarǵa sholý

ASTANA

Saǵat 9:30-da «QTJ» UK» AQ ǵımaratynda «Qazaqstannyń temirjol, avtomobıl, áýe jáne sý kóligi salasy jumysshylarynyń kásipqoılar odaǵy» QB bastaýysh uıymy ókilderiniń forýmy ótedi.

Saǵat 9:30-da The Ritz Carlton qonaqúıinde «Tsıfrlyq Qazaqstan» baǵdarlamasyn iske asyrý maqsatynda bıznes pen memlekettik yntymaqtastyqty ornatý taqyrybynda konferentsııa ótedi.

Saǵat 10:00-de Úkimet úıinde memlekettik-jekeshelik áriptestik, jekeshelendirý, bilim salasyn tsıfrlandyrý baǵytynda Úkimet otyrysy ótedi.

Saǵat 11:00-de Aqordada shetel elshileri QR Prezıdenti Nursultan Nazarbaevqa senim gramotalaryn tapsyrady.

Saǵat 11:00-de Phenchhandaǵy Paralımpıada oıyndarynyń altyn medal ıegeri Aleksandr Kolıadın Ulttyq Paralımpıada komıtetiniń jattyǵý ortalyǵynda sportshylarmen kezdesý ótkizedi.

Saǵat 14:00-de BUU Damý baǵdarlamasynyń konferents-zalynda Sý resýrstarynyń dúnıejúzilik kúnine oraı baspasóz máslıhaty ótedi.

Saǵat 15:00-de Senatta Halyqaralyq baılanys, qorǵanys jáne qaýipsizdik komıtetiniń keńeıtilgen otyrysy ótedi.

Saǵat 15:00-de Ortalyq kommýnıkatsııalar qyzmetinde «Men qazaqpyn» halyqaralyq mýzykalyq jobasynyń ekinshi maýsymynyń ashylýyna arnalǵan baspasóz konferentsııasy ótedi.

Saǵat 16:20-da Ortalyq kommýnıkatsııalar qyzmetinde Quqyq buzýshylyqtardyń aldyn alý máselelerinde polıtsııanyń halyqpen jáne azamattyq qoǵammen ózara birlese jumys isteýi jaıynda baspasóz konferentsııasy ótedi.

ALMATY

Saǵat 9:30-da Sý resýrstarynyń dúnıejúzilik kúnine oraı BUU baıandamasy tanystyrylady.

Saǵat 10:00-de Dostyq úıinde «Rýhanı jańǵyrý» maqalasy aıasynda jas ǵalymdardyń halyqaralyq kongresi ótedi.

Saǵat 11:00-de Tamos education mektebinde qazaqstandyq jeke mektepter naryǵyna arnalǵan baspasóz máslıhaty ótedi.

Saǵat 11:00-de Óńirlik kommýnıkatsııalar qyzmetinde Almaty qalasynyń din isteri basqarmasy 2017 jyldy qorytyndylap, 2018 jyldyń josparyn jasaıdy.  

Saǵat 12:00-de Qazaqstan baspasóz klýbynda «BAYAN SULU-2018» ulttyq bolmysyn tańdaý» jobasynyń ýaqytyn uzartý týraly baspasóz máslıhaty ótedi. 

KÓKShETAÝ

Saǵat 11:00-de Óńirlik kommýnıkatsııalar qyzmetiniń alańynda «2015-2019 jyldarǵa arnalǵan «Nurly jol» ınfraqurylymyn damytý memlekettik baǵdarlamasy» taqyrybynda brıfıng ótedi.

AQTÓBE

Saǵat 10:00-de bastamashy kásipkerlerdi qoldaýǵa baǵyttalǵan óńirlik pılottyq «60/15»  konkýrsy boıynsha jobalardy irikteý ótedi. 

Saǵat 15:00-de Óńirlik kommýnıkatsııa ortalyǵynda «Jazǵy merzimde stýdent jastardy jumysqa ornalastyrý», «Elbasy Nursultan Nazarbaevtyń bes áleýmettik bastamasy» taqyrybynda baspasóz konferentsııasy ótedi.

QARAǴANDY

Saǵat 15:00-de Qaraǵandy oblysynyń Kámeletke tolmaǵandardyń isteri jónindegi mamandandyrylǵan aýdanaralyq sotynyń usynysy boıynsha «Neke (erli-zaıyptylyq) jáne otbasy týraly» Qazaqstan Respýblıkasynyń Kodeksi 47-baby 5-tarmaǵynyń konstıtýtsııalylyǵyn tekserý týraly Konstıtýtsııalyq Keńestiń normatıvtik qaýlysy jarııalanady.