10 ret otyryp-turǵan adam metroda tegin júretin bolady
ASTANA. QazAqparat - Meksıka astanasy Mehıko qalasynda asa qyzyqty shara ótkizilýde.
Munda metro janyndaǵy arnaıy beketke kelip, 10 ret otyryp-turý jattyǵýyn oryndaǵan adam jerasty kóligine tegin bıletti ıelenedi, dep habarlaıdy 24.kz epochtimes.ru-.ǵa silteme jasap. Sharanyń ótip jatqanyna nebári bir apta bolǵanyna qaramastan, oǵan 74 myń adam qatysyp úlgeripti. Al jergilikti turǵyndar semizdikpen kúresýge baǵyttalǵan bul ádiske dán rıza. Olardyń aıtýynsha, bul kezde adamdar óz densaýlyǵy týraly qam jeı bastaıdy. Sebebi artyq salmaq dıabet, júrek, onkologııa, býyn aýrýlaryna aparyp soqtyrady.
Eske sala ketsek, syrttan tátti, gazdalǵan sýsyndar men fast-fýd ákelingen Meksıka semizdikke shaldyqqandar sany boıynsha álemde ekinshi orynda tur.
