10 paıyzdyq depozıt ótemaqysyna bıýdjetten 158 mlrd teńge qarastyrylǵan

ASTANA. QazAqparat – Teńge depozıtterine 10 paıyzdyq ótemaqy tóleý úshin bıýdjetten 158 mlrd teńge qarastyrylǵan. Premer-Mınıstrdiń orynbasary – Qarjy mınıstri Erulyn Jamaýbaev Úkimet kýlýarynda osyndaı málimet aıtty, dep habarlaıdy QazAqparat tilshisi.

«Tıisti soma bıýdjette qarastyrylǵan – 158 mlrd teńge. Qazir ondaı salymshylardyń sanyn naqtylaý jumystary júrip jatyr. Jýyq arada tólep beremiz», - dedi ol BAQ ókilderiniń saýalyna jaýap bere otyryp.

Eske salaıyq, 2022 jyldyń aıaǵyndaǵy derek boıynsha, 2 mıllıon qazaqstandyq teńgelik depozıtten ótemaqy alýǵa kelisim bergen.

Qazaqstannyń depozıtterge kepildik berý qorynyń málimeti boıynsha, 2 mıllıon salymshy bankterde ótemaqy alýǵa kelisimin rastaǵan. Bul teńgedegi depozıtterdi qorǵaý baǵdarlamasynyń talaptaryna sáıkes keletin salymshylardyń jalpy sanynyń 39%-y degen sóz. Olardyń basym kópshiligi depozıtterinde iri somadaǵy qarajaty bar tulǵalar.