10 óńirinde eskertý jarııalandy: Qaraǵandy oblysynda úsik júredi
NUR-SULTAN. QazAqparat – 23 qyrkúıekte Qazaqstannyń birqatar óńirinde aýa raıyna baılanysty eskertý jarııalandy, dep habarlaıdy QazAqparat.
Soltústik Qazaqstan oblysynyń keı jerlerinde kúndiz qatty jańbyr, naızaǵaı, daýyl, burshaq kútiledi. Túnde jáne tańerteń keı jerlerde tuman kútiledi. Ońtústik-batystan soǵatyn jel soltústik-batys baǵytyna aýysady , túnde keı jerlerde kúshi 15-20 m/s, ekpini 23-28 m/s kútiledi.
Qaraǵandy oblysynda keı jerlerde túman kútiledi. Túnde 23 qyrkúıekte oblystyń soltústik-shyǵysynda topyraq betinde 1-3 gradýs úsik júredi.
Shyǵys Qazaqstan oblysynyń keı jerlerinde ońtústikten, ońtústik-batystan soqqan jel 15-20, kúndiz ekpini 25 m/s kútiledi.
Semeı qalasynda da kúndiz 23 qyrkúıekte jel ekpini 15-20 m/s kútiledi.
Aqmola oblysynda kúndizkeı jerlerde qatty jańbyr jaýady. Túnde jáne tańerteń keı jerlerde tuman kútiledi. Ońtústik-batystan jel soǵady, túnde keı jerlerde 15-20 m/s jetedi.
Qostanaı oblysynda keı jerlerinde naızaǵaı, tuman, daýyl, burshaq kútiledi. Ońtústik-batystan soqqan jel soltústik-batysqa aýysady, kúshi 15-20, kúndiz ekpini 23-28 m/s jetedi.
23 qyrkúıekte tańerteń jáne kúndiz Qyzylorda oblysynda batystan, ońtústik-batystan soǵatyn jeldiń kúshi keı jerlerde 15-20 m/s saqtalady. Kúndiz tótenshe órt qaýpi saqtalady.
Mańǵystaý oblysynyń keı jerlerinde tuman kútiledi.
Batys Qazaqstan oblysynda da tuman túsip, jel soǵady.
Kúndiz 23 qyrkúıekte Aqtóbe oblysynda ońtústik-batystan, batystan jel soǵady, basym bóliginde 15-20, ekpini 23 m/s kútiledi.
Nur-Sultan qalasynda tańerteń jáne kúndiz ońtústik-batystan jel soǵady, ekpini 15-20 m/s kútiledi.
Daýyldy eskertýdiń yqtımaldylyǵy 85-90 %.
