10 óńirde órt shyǵý qaýpi bar - Qazgıdromet

NUR-SULTAN. QazAqparat – «Qazgıdromet» RMK-sy qyrkúıektiń 6-sy kúngi kún raıy boljamyn jarııalady, dep habarlaıdy QazAqparat.

Kásiporyn taratqan derekterge qaraǵanda, atmosferalyq frontaldy bólikterdiń ótýimen elimizdiń batysynda, soltústiginde, soltústik-batysynda naızaǵaı oınap, jańbyr jaýady, eldiń ońtústik-batysynda nóser jańbyr jaýady. Qazaqstannyń qalǵan aýmaǵynda kún jaýyn-shashynsyz bolady. Respýblıka boıynsha keı jerlerde jel kúsheıip, ońtústik-batysta shańdy daýyl turady.

Jambyl, Qyzylorda, Túrkistan, Aqtóbe, Almaty, Jetisý, Ulytaý oblystarynyń basym bóliginde, Qostanaı oblysynyń ońtústiginde, Abaı oblysynyń ońtústigi men shyǵysynda, Qaraǵandy oblysynyń batysynda, ońtústiginde jáne shyǵysynda tótenshe órt qaýpi kútiledi.

Kúndiz Jetisý, Ulytaý, Shyǵys Qazaqstan, Abaı, Qyzylorda oblystarynyń basym bóliginde, Pavlodar oblysynyń ońtústiginde, Qaraǵandy oblysynyń batysy men ońtústiginde, Jambyl oblysynyń soltústigi men ońtústiginde qatty ystyq kútiledi.