10 óńirde aýa raıyna baılanysty eskertý jarııalandy

ASTANA. QazAqparat – Qazgıdromet 29 qarashada birneshe óńirde aýa raıyna baılanysty eskertý jarııalady, dep habarlaıdy QazAqparat.

Qostanaı oblysynyń soltústiginde tuman túsedi. Soltústik-shyǵystan jel soǵady, oblystyń ońtústiginde ekpini 15-20 m/s.

Qyzylorda oblysynda jel shyǵystan, soltústik shyǵystan soǵady, kúshi túnde 15-20, oblys ortalyǵynda 25 m/s, kúndiz oblys ortalyǵynda 15-20 m/s jetedi.

Qaraǵandy oblysynyń ońtústiginde shyǵystan, soltústik-shyǵystan jel soǵady, ekpini 15-20 m/s kútiledi.

29 qarasha túnde Almaty oblysynyń ońtústiginde, taýly aýdandarynda tuman kútiledi. Oblystyń soltústiginde soltústik-shyǵystan jel soǵady, kúshi 15-20 m/s jetedi.

Almaty qalasynda túnde tuman túsedi

Túnde Abaı oblysynyń shyǵysynda 40 gradýs qatty aıaz kútiledi.

Ulytaý oblysynyń ońtústiginde shyǵystan, soltústik-shyǵystan jel soǵady, ekpini 15-20 m/s jetedi.

Shyǵys Qazaqstan oblysynyń soltústik-shyǵysynda 43 gradýs qatty aıaz saqtalady.

Túrkistan oblysynyń taýly aýdandarynda qatty jaýyn-shashyn (jańbyr, qar) jaýady. Oblystyń batysynda, ońtústiginde, taýly jáne taý bókterli aýdandarynda tuman túsedi.

Shymkent qalasynda tuman kútiledi. Ońtústik-batystan jel soǵady, túnde ekpini 15-20 m/s jetedi.