10 nemistiń toǵyzy GFR polıtsııasynyń jumysyna rıza
BERLIN. QazAqparat - On nemistiń toǵyzy GFR polıtsııasynyń jumysyna kóńilderi tolady, sonymen qatar azamattardyń jartysynan kóbi arnaıy qyzmetke senbeıdi, dep habarlady germandyq Die Welt-ke silteme jasap «QazAqparat» HAA tilshisi.
«Azamattardyń 90 paıyzǵa jýyǵy polıtsııaǵa asa senimdilikpen (88 paıyz) qaraıdy. 2016 jyly qazanda bul kórsetkish 84 paıyzdy quraǵan. Osylaısha, polıtsııaǵa degen senim deńgeıi sońǵy jıyrma jylda eń joǵary bolyp tabylady», - dep jazdy Die Welt, nemistiń Infratest DIMAP ınstıtýtynyń zertteýine silteme jasap.
Quqyq qorǵaý organdarynyń jumysyn qoldaý reıtıngi 2019 jylǵy 19 jeltoqsanda Berlınde rojdestvolyq naryqta lańkestik oryn alǵannan, polıtsııanyń Kelnde jańa jyl túni jappaı seksýaldyq zorlyq-zombylyq jaǵdaılaryn qaıtalaýdyń aldyn alý boıynsha operatsııasynan keıin kóterildi.
Al, Germanııanyń arnaıy qyzmetine senim 38 paıyzdan 36 paıyzǵa tómendedi. Árbir ekinshi adam (54 paıyz) qupııa qyzmetke múldem senbeıtinin aıtty.
Budan basqa, respondentterdiń jartysynan astamy (54 paıyz) kantsler Angela Merkel basshylyǵyndaǵy Germanııanyń Federaldyq úkimetine senetinin aıtqan, al suralǵandardyń 51 paıyzy mınıstrler kabınetiniń jumysyna kóńilderi tolatynyn jetkizgen.
