10 myńnan astam Ulttyq ulan sarbazy vaktsına aldy
NUR-SULTAN. QazAqparat – Ulttyq ulan áskerı keńesiniń hatshysy Saverdın Imırov áskerı qyzmetshilerdi koronavırýsqa qarsy vaktsınalaý qalaı ótip jatqanyn aıtty, dep habarlaıdy QazAqparat tilshisi.
«Áskerı qyzmetshilerdi vaktsınalaý Ulttyq ulan basshylyǵynyń erekshe baqylaýynda. Vaktsınatsııa erikti túrde júrgiziledi», - dedi Saverdın Imırov ortalyq kommýnıkatsııalar qyzmetinde ótken brıfıngide jýrnalısterdiń suraqtaryna jaýap bere otyryp.
Ulttyq ulan ókili búginge deıin qansha áskerı qyzmetshi vaktsına alǵanyn málim etti.
«Búgingi tańda 10 608 adam vaktsınanyń birinshi komponentimen, 606 adam ekinshi komponentimen vaktsınalandy. Árıne, biz bir ýaqytta bárin vaktsınalaı almaımyz. Óıtkeni bul bizdiń kúndelikti áskerı mindetterimizdi oryndaý ereksheligine baılanysty. Sondyqtan bári keste boıynsha júrip jatyr», - dedi Saverdın Imırov.
