10 myńnan astam túrkistandyq kásipkerge salyqtyq raqymshylyq jasaldy

TÚRKІSTAN. QazAqparat – Túrkistan oblysynda 10 myńnan astam kásipkerdiń 112 mln teńge somasyndaǵy salyqtyq ósimpuly keshirildi, dep habarlaıdy QazAqparat Óńirlik kommýnıkatsııalar qyzmetine silteme jasap.

2019 jyldyń 1 qańtarynan 31 jeltoqsanyna deıin negizgi salyqtyq bereshekti tólegen shaǵyn jáne orta bıznes sýbektilerine ósimpuldaryn esepten shyǵarý boıynsha salyqtyq raqymshylyq jarııalanǵan bolatyn.

«Bul rette, Túrkistan oblysynda 2018 jylǵy 1 qazandaǵy jaǵdaı boıynsha, 354,7 mln teńge (bereshegi - 231,8 mln teńge, ósimaqy - 122,8 mln teńge) kóleminde salyq bereshegi bolǵan 10 718 shaǵyn jáne orta bıznes sýbektisi salyqtyq raqymshylyqqa ilikti. 2020 jylǵy 1 qańtardaǵy jaǵdaı boıynsha, Túrkistan oblysynyń memlekettik kirister organdary 177 mln teńge mólsherinde negizgi qaryz somasyn ótegen 10 454 salyq tóleýshige tıisti sheshimder shyǵaryp, 112 mln teńge somasynda ósimpul esepten shyǵaryldy.
Osylaısha, salyqtyq raqymshylyqqa jatatyn shaǵyn jáne orta bıznes sýbektileriniń 98 paıyzy salyqtyq raqymshylyq múmkindigin paıdalandy», - delingen baspasóz málimetinde.