10 myńnan astam sektsııa ashýǵa múmkindik beriledi - Aqtoty Raıymqulova
«Qazaqstan Prezıdentiniń Joldaýyn iske asyrý aıasynda QR Úkimetiniń qaýlysyna sáıkes, ozderiniz biletindeı, pedagog qyzmetkerleriniń jalaqysy 2020 jyldan 2023 jylǵa deıin jyl saıyn 25 paıyzǵa ósetin bolady. Bul ulǵaıtý qosymsha bilim beretin pedagog qyzmetkerlerine, ıaǵnı balalar-jasóspirimder sport mektepteri men sporttyq mektep-ınternattardyń jattyqtyrýshylaryna ári oqytýshylaryna baǵyttalǵan», - dedi mınıstr Ortalyq kommýnıkatsııalar qyzmetindegi onlaın baspasóz máslıhatynda.
A. Raıymqulovanyń sózine qaraǵanda, jalpy bilim beretin mektepterdiń sport zaldarynda balalarǵa arnalǵan sport sektsııalarynyń jumysyn uıymdastyrý qaralýda. «Qazirgi kezde mınıstrlikte 101 sport federatsııasy akkredıttelgen, olarǵa sport túrleri boıynsha qosymsha 10 myńnan astam sektsııa ashýǵa múmkindik berilmek. Nátıjesinde, 300 myńǵa jýyq bala túrli sektsııada shuǵyldana alady», - dedi ol.
