10 myńnan astam adam «Almaty Urban Fest» festıvaline jınaldy
ALMATY. QazAqparat – Respýblıkalyq «Qazaqstan Jastar Fest» chellendjiniń aıasynda Almatyda «Almaty Urban Fest» festıvali ótti, dep habarlaıdy «QazAqparat» HAA tilshisi.
Alańda qalalyq mádenıettiń zamanaýı aǵymdary - BMX, graffıtı, vorkaýt, dala bıleri, strıtbol 3h3, armreslıng, art-ınstallıatsııalar jáne t.b. kórsetildi.
Jarystarǵa qatysyp, dala óneriniń atmosferasynan lázzat alý úshin sharanyń eki kúndik baǵdarlamasynda 10 myńnan astam adam jınaldy. Kóptegen sportshylar eń úzdik ataǵyna talasty. Olardyń qatarynda Nur-Sultan, Petropavl, Semeı, Óskemen, Shymkent, Taraz, Taldyqorǵan qalalarynyń turǵyndary bar. Sondaı-aq, arnaıy shara úshin Almatyǵa Qyrǵyzstan, Ózbekstan jáne Reseı elderinen qatysýshylar keldi.
Festıvalge Almaty qalasy ákiminiń orynbasary Erjan Babaqumarov, QR Mádenıet jáne sport mınıstrligi Sport jáne dene shynyqtyrý komıtetiniń tóraǵasy, boksshy Serik Sápıev keldi.
«Ýrban-festıval qalamyzda búgin alǵash ret uıymdastyrylýda jáne óz deńgeıinde ótti dep oılaımyn. Osyndaı sharalar qalamyzda jıi ótip tursa eken deımin. Árqaısysyńyz úshin jeńis kóp bolsyn, bıikterge jete berińizder. Bul jolǵa kelgender úlken sporttan oryndaryn tapsyn. Quttyqtaımyn jáne tabys tileımin»,- dep quttyqtady festıval qatysýshylary men qonaqtaryn Erjan Babaqumarov.
Festıvalge qazaqstandyq kıno jáne televıdenıe, sport, qoǵamdyq pikir kóshbasshylary qoldaý birdirip, shara sońynda Batys Qazaqstannyń qalasynda «Qazaqstan Jastar Fest» chellendjiniń aıasynda ýrban mádenıetin damytý estafetasyn berdi.
