10 myńǵa jýyq múgedek adamǵa proaktıvti formatta memlekettik qyzmet kórsetilgen
Eńbek resýrstaryn damytý ortalyǵy áleýmettik qyzmetter portaly arqyly proaktıvti formatta memlekettik qyzmetti kórsetý júıesin damytýdy jalǵastyrýda.
Eske salsaq, atalmysh portal 2020 jyldyń qańtarynan bastap pılot rejıminde jumys isteıdi. Búginde portalǵa múmkindigi shekteýli 580 adam jáne «qamqorshy» mártebesi bar 288 adam tirkeldi. Sondaı-aq, 233 adam portal arqyly kembaǵal jandarǵa arnalǵan jeke qosalqy quraldardy aldy.
Sáýirden bastap azamattar SMS habarlama jiberý arqyly kelesi memlekettik qyzmetterdi beriledi. Múgedekterge protezdik-ortopedııalyq kómek alý qujattaryn resimdeý; múgedekterdi sýrdo-tıflotehnıkalyq jáne mindetti gıgıenalyq quraldarmen qamtamasyz etý; júrip-turýy qıyn І-shi top múgedektigi jáne estý kemistigi bar azamattar jeke kómekshiniń, ymdaý tili mamanynyń qyzmetterin alý úshin qujattardy resimdeý; múgedekterge kreslo-arbalar berý; múmkindigi shekteýli azamattardyń sanatorıı-kýrorttyq emdelýge joldama alý.
«11 mamyrdaǵy málimet boıynsha, múmkindigi shekteýli azamattardan 10 myńnan astam SMS kelip tústi. Búginde portalda qoljetimdi qyzmetter tizimin keńeıtý boıynsha jumys júrgizilýde. Jaqyn arada proaktıvti formatta jeke kómekshini tańdaý (júrip-turýy qıyn І-shi top múgedekteri úshin), ymdaý tili mamany (estý kemistigi bar múgedekter úshin) sııaqty qyzmetter qoljetimdi bolady», delingen habarlamada.
Qazir portalda 500-ge jýyq taýar men quraldardy jetkizýshi jáne ońaltý qyzmetterin usynatyn kompanııa tirkelgen.
Aıta ketsek, buryn múmkindigi shekteýli jandar qajetti qyzmetti jáne ońaltý quraldaryn memlekettik satyp alý arqyly alatyn. Azamattarǵa tenderlik protsedýralardyń uzaqtyǵynan qajetti taýardy kútýge týra keletin. Sondaı-aq, kembaǵal jandar kómek alýǵa ótinim resimdeý úshin Jumyspen qamtý jáne áleýmettik baǵdarlamalar bólimderine barýǵy tıis edi.
2021 jylǵa deıin ońaltý taýarlary men qyzmetterin portal jáne memlekettik satyp alý júıesi arqyly alatyn bolady. Al, 2021 jyldan bastap avtomattandyrylǵan júıege tolyq kóshý josparlanyp otyr.
