10 myńǵa jýyq maska tigip, tegin taratqan qyz-kelinshekter marapattaldy
TARAZ. QazAqparat – Taraz qalasynyń ákimi Aıtqazy Qarabalaev 10 myńǵa jýyq betperde tigip, tegin taratqan qyz-kelinshekterdi marapattady, dep habarlaıdy QazAqparat.
Koronavırýs indetiniń taralýyna jol bermeý maqsatynda elimizdiń árbir óńirinde tıisti sharalar qolǵa alyndy. Oǵan elimizdiń árbir turǵyny atsalysyp, qoldan kelgenshe óz úlesterin qosa bildi.
Atalǵan derttiń aldyn alý, turǵyndardy ınfektsııadan saqtaý isine tarazdyqtar da barynsha qolǵabys etti. Sonyń ishinde oblys ortalyǵynyń 30 qyz-kelinshegi 10 myńǵa jýyq betperde tigip, barlyǵyn tegin taratty.
Taraz qalasynyń ákimi Aıtqazy Qarabalaev qalanyń qoǵamdyq ómirine belsene aralasyp, tótenshe jaǵdaı kezinde tegin medıtsınalyq maska tigýge atsalysqan qyz-kelinshekterge alǵys bildirdi. Shahar basshysynyń Alǵys hatyn qalalyq ishki saıasat bóliminiń basshysy Ulana Slambekova árbir qyz-kelinshektiń úıine baryp, tabystady. Al, tarazdyq názikjandylar qala ákimine rızashylyǵyn bildire kelip, osyndaı qıyn kezeńde kópshilikke qoldan kelgen kómegin berý árbir azamattyń boryshy ekenin jetkizdi.
