10 myńǵa jýyq qaraǵandylyq memlekettik qyzmetshi biliktiligin jetildirdi
QARAǴANDY. QazAqparat - Qaraǵandylyq memlekettik qyzmetshilerdi qaıta daıyndaý men biliktiligin arttyrý ortalyǵynda 10 myńnan astam adam bilim aldy, dep habarlaıdy QazAqparat.
«Óńirlik ortalyqta kadrlardy oqytý baǵdarlamasy daıarlanyp, ol memlekettik qyzmetten ótýdiń jalpy júıesine yqpaldastyrylǵan. Atalmysh júıe boıynsha ár mamanǵa jeke-jeke kóńil bólinedi. Sabaqtar trenıng, jobalardy daıyndaý, iskerlik oıyndar, pikirtalas pen ózge de ınteraktıvti ádis boıynsha ótedi»,-dep habarlady oblystyq Memlekettik qyzmet isteri jáne sybaılas jemqorlyqqa qarsy kúres departamentiniń baspasóz qyzmetiniń ókilderi.
Departament ókilderiniń málimetterinshe, bul baǵyttaǵy jumystar Memleket basshysynyń «100 qadam» Ult josparynyń kásibı memlekettik apparatty qalyptastyrý baǵytyndaǵy mindetterin júzege asyrýǵa baǵyttalǵan.
Ortalyqtyń málimetterinshe, 2017 jyldyń 1 qańtarynan bastap, bul jerden 14 myń 400 memlekettik qyzmetshi bilimin jetildirgen, olardyń 9977-si biliktiligin jetildirse, 4445-i qaıta daıarlaý kýrstarynan ótti.
2017 jyldyń birinshi toqsanynda ortalyq 323 memlekettik qyzmetshini oqytty. Olardyń 237-i biliktiligin jetildirip, 86 adam qaıta daıarlanǵan.
