10 myńǵa jýyq astanalyq bala jaz boıy tegin kıno tamashalady

NUR-SULTAN. QazAqparat – «Qazaqkontsert» memlekettik uıymynyń uıymdastyrýymen elordalyq balalar otandyq jáne sheteldik kınolardy tegin tamashalaý múmkindigine ıe boldy, dep habarlaıdy QazAqparat tilshisi.

«Pandemııaǵa baılanysty elde biraz is-sharaǵa tyıym salyndy. Halyq kontsert, merekelik sharalardy saǵynyp qaldy. Osy oraıda bizde aýqymdy jospar bar. El ishin aralap kontsert beremiz. Bizdiń ujym óskeleń urpaqtyń tárbıesine mán beredi. Ózderińiz bilesizder bizde balalarǵa arnalǵan «Jazǵy kıno» atty jobamyz bar. Búgingi tańda 10 myńǵa jýyq astanalyq bala tegin kıno kórý múmkindigine ıe boldy. Atalǵan shara «Qazaqfılm» jáne otandyq kınony qoldaý ortalyǵynyń qoldaýymen uıymdastyryldy. Bastysy balalar rıza, ata-analary da alǵysyn bildirip jatyr», - dedi Roza Baǵlanova atyndaǵy «Qazaqkontsert» memlekettik kontserttik uıymy dırektorynyń shyǵarmashylyq qyzmet boıynsha orynbasary Serik Nurmoldaev elordada ótken baspasóz máslıhatynda.

Onyń aıtýynsha, balalarǵa tegin kıno kórsetý dástúri odan ári jalǵasady.

«Endi biz «Balalar fılarmonııasy» atty jobany bastaǵymyz kelip otyr. Joba aıasynda balalarǵa tek kıno kórsetip qoımaı, kontsertter, dárister, sheberlik saǵaty jáne túrli qyzyqty formattaǵy kezdesýler ótetin bolady. Qatysam degen balalarǵa esik ashyq», - deıdi ol.

Buǵan deıin habarlaǵanymyzdaı «Qazaqkontsert» ujymy gastroldik saparmen el aralap kontsert bermek.